17 April, 2019 11:10:47 AM


ടിക് ടോക്കിന് ഇന്ത്യയില്‍ പൂര്‍ണ്ണ നിരോധനം; ഗൂഗിള്‍ പ്ലേ സ്റ്റോറില്‍ നിന്ന് നീക്കം ചെയ്തു




കൊച്ചി: ചൈനീസ്​ വീഡിയോ ആപ്പായ ടിക്​ ടോക്കിന്‌ ഇന്ത്യയില്‍ വിലക്ക്‌. സര്‍ക്കാര്‍ നിര്‍ദേശത്തെ തുടര്‍ന്ന്​ ടെക്​ ഭീമനായ ഗൂഗിള്‍ ഇന്ത്യയിലെ പ്ലേ സ്​റ്റോറില്‍ നിന്ന്​ ആപ്​ പിന്‍വലിച്ചു. ടിക്‌ ​ടോക്​ നിരോധിക്കാനുള്ള ഏപ്രില്‍ മൂന്നിലെ മദ്രാസ്​ ഹൈകോടതിയുടെ ഉത്തരവിനെതിരെ നല്‍കിയ ഹര്‍ജി സുപ്രീംകോടതി തള്ളിയതോടെയാണ്​ ആപിന്​ വിലക്കേര്‍പ്പെടുത്തിയത്‌. വിലക്കിനെ തുടർന്ന് ടിക് ടോക്കിന് ആദരാഞ്ജലികൾ അർപ്പിച്ച് സമൂഹ മാധ്യമങ്ങളിൽ പോസ്റ്റുകളുടെ പൊങ്കാലയും ആരംഭിച്ചു.

അശ്ലീല ദൃശ്യങ്ങള്‍ വ്യാപകമായി പ്രചരിക്കുന്നുവെന്ന പരാതിയെ തുടര്‍ന്ന്​ ടിക്​ ടോക്​ നിരോധിക്കാന്‍ മദ്രാസ്​ ഹൈകോടതി ഉത്തരവിട്ടിരുന്നു​. നിരവധി അപകടങ്ങള്‍ക്കും കുറ്റകൃത്യങ്ങള്‍ക്കും ആപ്‌ കാരണമാകുന്നതായി പരാതി ഇണ്ടായിരുന്നു. ടി​ക്​ ടോക്​ നിരോധിക്കാന്‍ ആവശ്യപ്പെട്ട് ആപ്പിള്‍, ഗൂഗിള്‍ തുടങ്ങിയ കമ്പനികള്‍ക്ക്​ സര്‍ക്കാര്‍ ഇ-മെയില്‍ അയച്ചിരുന്നു. എന്നാല്‍, ഇരു കമ്പനികളും ഇതിന്​ മറുപടി നല്‍കിയിരുന്നില്ല. ചൈനയിലെ ബൈറ്റഡന്‍സ്‌ ടെക്‌നോളജി കമ്പനിയുടെ വീഡിയോ ഷെയറിങ് ആപ്‌ ആണ്‌ ടിക്‌ ടോക്.



Share this News Now:
  • Google+
Like(s): 238