07 April, 2019 10:35:20 AM


അയ്യന്‍റെ അര്‍ഥം പരിശോധിക്കണം; പെരുമാറ്റച്ചട്ടം ലംഘിച്ചിട്ടില്ല - സുരേഷ് ഗോപി



തൃശൂർ: തിരഞ്ഞെടുപ്പ് പെരുമാറ്റച്ചട്ടം ലംഘിച്ചിട്ടില്ലെന്ന് സുരേഷ് ഗോപി എംപി. പ്രസംഗത്തില്‍ ഉറച്ചുനില്‍ക്കുന്നു, അയ്യന്‍റെ അര്‍ഥം പരിശോധിക്കണം. നോട്ടിസിന് ഉടൻ പാര്‍ട്ടി മറുപടി നല്‍കുമെന്നും അദ്ദേഹം പറഞ്ഞു. ഇഷ്ടദേവന്‍റെ പേരു പറയാന്‍ പാടില്ലെന്നതിനെ ജനങ്ങള്‍ കൈകാര്യം ചെയ്യുമെന്നും അദ്ദേഹം മാധ്യമങ്ങളോടു കൂട്ടിച്ചേർത്തു.


തൃശൂരിലെ എന്‍ഡിഎ കണ്‍വന്‍ഷന്‍ വേദിയില്‍ അ​യ്യ​പ്പ​ന്‍റെ​യും ശ​ബ​രി​മ​ല​യു​ടെ​യും പേ​രി​ല്‍ വോ​ട്ട് തേ​ടി​യെ​ന്ന് കാ​ണി​ച്ചാ​ണ് ജി​ല്ലാ വ​ര​ണാ​ധി​കാ​രി കൂ​ടി​യാ​യ ക​ള​ക്ട​ര്‍ സു​രേ​ഷ് ഗോ​പി​ക്ക് നോ​ട്ടീ​സ് ന​ല്‍​കി​യ​ത്. സം​ഭ​വ​ത്തി​ല്‍ 48 മ​ണി​ക്കൂ​റി​ന​കം സു​രേ​ഷ് ഗോ​പി വി​ശ​ദീ​ക​ര​ണം ന​ല്‍​ക​ണ​മെ​ന്നാ​ണ് ആ​വ​ശ്യം. മുഖ്യതിരഞ്ഞെടുപ്പ് ഓഫിസറുടെ നിര്‍ദ്ദേശം ലംഘിച്ചെന്നാണു ജില്ലാ കലക്ടറുടെ നോട്ടിസ്. ‌


സു​രേ​ഷ്ഗോ​പി​ക്ക് നോ​ട്ടീ​സ് അ​യ​ച്ച തൃ​ശൂ​ര്‍ ജി​ല്ലാ​ക​ള​ക്ട​ര്‍​ക്കെ​തി​രെ രൂ​ക്ഷ​വി​മ​ര്‍​ശ​ന​വും പ​രി​ഹാ​സ​വു​മാ​യി ബി​ജെ​പി രംഗത്ത്. ന​ട​പ​ടി ജി​ല്ലാ ക​ള​ക്ട​റു​ടെ വി​വ​ര​ക്കേ​ടാ​ണെ​ന്ന് ബി​ജെ​പി സം​സ്ഥാ​ന ജ​ന​റ​ല്‍ സെ​ക്ര​ട്ട​റി​മാ​രി​ലൊ​രാ​ളാ​യ ബി. ​ഗോ​പാ​ല​കൃ​ഷ്ണ​ന്‍ പ​റ​ഞ്ഞു‍. ക​ള​ക്ട​ര്‍ പി​ണ​റാ​യി സ​ര്‍​ക്കാ​രി​ന്‍റെ ദാ​സ്യ​പ്പ​ണി ചെ​യ്യു​ക​യാ​ണെ​ന്ന് തു​റ​ന്ന​ടി​ച്ച ഗോ​പാ​ല​കൃ​ഷ്ണ​ന്‍ പ്ര​സി​ദ്ധി നേ​ടാ​നു​ള്ള ക​ള​ക്ട​റു​ടെ വെ​മ്പ​ലാ​ണി​തെ​ന്നും പ​റ​ഞ്ഞു. 


ശ​ബ​രി​മ​ല വി​ഷ​യം പി​ണ​റാ​യി സ​ര്‍​ക്കാ​രി​ന്‍റെ വീ​ഴ്ച​യും അ​യ്യ​പ്പ​വി​ശ്വാ​സി​ക​ളോ​ട് ചെ​യ്ത അ​പ​രാ​ധ​വു​മാ​ണെ​ന്നു പ​റ​ഞ്ഞ ഗോ​പാ​ല​കൃ​ഷ്ണ​ന്‍ ഈ ​വി​ഷ​യം തി​ര​ഞ്ഞെ​ടു​പ്പ് വി​ഷ​യം ത​ന്നെ​യാ​ണെന്നും കൂ​ട്ടി​ച്ചേ​ര്‍​ത്തു. ശ​ബ​രി​മ​ല എ​ന്ന വാ​ക്ക് ഉ​ച്ച​രി​ക്കാ​ന്‍ പാ​ടി​ല്ലെ​ന്നും അ​ത് തി​ര​ഞ്ഞെ​ടു​പ്പ് ച​ട്ട​ലം​ഘ​ന​മാ​ണെ​ന്നും പ​റ​ഞ്ഞാ​ല്‍ അ​ത് ശു​ദ്ധ വി​വ​ര​ക്കേ​ടാ​ണ്- അ​ദ്ദേ​ഹം ആ​വ​ര്‍​ത്തി​ച്ചു. 


ശ​ബ​രി​മ​ല വി​ഷ​യ​ത്തെ തെ​ര​ഞ്ഞെ​ടു​പ്പ് ക​മ്മീ​ഷ​ന്‍ എ​തി​ര്‍​ത്താ​ലും ജ​ന​ങ്ങ​ള്‍ മു​മ്പാ​കെ ഉ​യ​ര്‍​ത്തി​ക്കാ​ട്ടു​മെ​ന്നും അ​ത് ഉ​യ​ര്‍​ത്തി​ക്കൊ​ണ്ടു​വ​ന്ന് വോ​ട്ട് ചോ​ദി​ക്കു​മെ​ന്നും പ​റ​ഞ്ഞ ഗോ​പാ​ല​കൃ​ഷ്ണ​ന്‍ ടി.​വി.​അ​നു​പ​മ സ്വീ​ക​രി​ച്ച ന​ട​പ​ടി​യെ ശ​ക്ത​മാ​യി അ​പ​ല​പി​ക്കു​ന്ന​താ​യും പ്ര​സ്താ​വ​ന​യി​ലൂ​ടെ അ​റി​യി​ച്ചു. 




Share this News Now:
  • Google+
Like(s): 336