Breaking News
പത്തനംതിട്ട ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് ഇന്ന് അവധി... തിരുവനന്തപുരം ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് തിങ്കളാഴ്ച അവധി ... തൃശൂരില്‍ ഉച്ചയ്ക്കു ശേഷം അവധി... തെള്ളകത്ത് പള്ളിയില്‍ കുര്‍ബാനയ്ക്ക് പോയ എരുമേലി സ്വദേശിനി വീട്ടമ്മ കാറിടിച്ച് മരിച്ചു... കുന്നംകുളം പാറേംപാടത്ത് സ്വകാര്യബസ് കാനയിലേക്ക് മറിഞ്ഞ് നിരവധി പേർക്ക് പരിക്ക്... ഏറ്റുമാനൂര്‍ ചെറുവാണ്ടൂരില്‍ ഓട്ടോയും ലോറിയും കൂട്ടിയിടിച്ച് തിരുവഞ്ചൂര്‍ സ്വദേശി യുവാവ് മരിച്ചു... വിവരാവകാശ കമ്മീഷന്‍റെ ഹിയറിങ്ങിൽ ഹാജരാകാത്ത സർക്കാർ ഉദ്യോഗസ്ഥർക്കെതിരെ നടപടി... മാധ്യമം ഈരാറ്റുപേട്ട ലേഖകന്‍ അബ്ദുള്‍ കരിം ബൈക്കപകടത്തില്‍ മരിച്ചു... മദ്യലഹരിയില്‍ സൃഹൃത്ത് റോഡിലേയ്ക്ക് തള്ളിയിട്ട യുവാവ് ലോറി കയറി മരിച്ചു...

01 April, 2019 04:34:56 PM


അധിക വിനോദ നികുതി ഈടാക്കാനുള്ള നീക്കത്തിന് ഹൈക്കോടതി സ്‌റ്റേ; സിനിമാ ടിക്കറ്റ് നിരക്ക് ഉയരില്ല




കൊച്ചി : ഇന്നു മുതല്‍ സിനിമാ ടിക്കറ്റിന് അധിക നികുതി ഈടാക്കാനുള്ള നീക്കത്തിന് ഹൈക്കോടതിയുടെ സ്‌റ്റേ. നിലവിലെ സ്ഥിതി തുടരാനും ഉത്തരവിട്ടു. സിനിമാ ടിക്കറ്റുകള്‍ക്ക് ജിഎസ്ടിക്ക് പുറമെ 10 ശതമാനം അധിക നികുതി ഏര്‍പ്പെടുത്താനുള്ള സംസ്ഥാന സര്‍ക്കാരിന്റെ ബജറ്റ് നിര്‍ദേശമാണ് ഹൈക്കോടതി സ്‌റ്റേ ചെയ്തത്. ഫിലിം ചേംബര്‍ ഓഫ് കൊമേഴ്‌സ് നല്‍കിയ ഹര്‍ജിയിലാണ് കോടതി നടപടി.



അധിക നികുതി ഏര്‍പ്പെടുത്താനുള്ള ബജറ്റ് നിര്‍ദേശത്തിനെതിരെ അന്നുതന്നെ, എതിര്‍പ്പുമായി സിനിമാ സംഘടനകളുടേയും സിനിമാ തീയേറ്റര്‍ ഉടമകളും രംഗത്തു വന്നിരുന്നു. 10 ശതമാനം ജിഎസ്ടി കുറച്ച സാഹചര്യത്തിലാണ് അധിക നികുതി ഈടാക്കാന്‍ സര്‍ക്കാര്‍ തീരുമാനിച്ചതെന്നും, അതിനാല്‍ സിനിമാ മേഖലയെ ബാധിക്കില്ലെന്നുമായിരുന്നു ധനമന്ത്രി തോമസ് ഐസക്ക് അഭിപ്രായപ്പെട്ടത്.



ഈ വാദം തള്ളി സിനിമാ തീയേറ്റര്‍ ഉടമകളുടെ സംഘടന അടക്കം മുഖ്യമന്ത്രിക്കും ധനമന്ത്രിക്കും പരാതി നല്‍കി. എന്നാല്‍ തുടര്‍നടപടികള്‍ ഒന്നും ഉണ്ടാകാത്ത സാഹചര്യത്തിലാണ് സംഘടന ഹൈക്കോടതിയെ സമീപിച്ചത്. കേസില്‍ കോടതി സര്‍ക്കാരിന് നോട്ടീസ് അയച്ചിരുന്നു. ഇന്ന് കേസ് പരിഗണിച്ച കോടതി സിനിമാ സംഘടനകളുടെ ഹര്‍ജിയില്‍ അനുകൂല വിധി പുറപ്പെടുവിക്കുകയായിരുന്നു.



Share this News Now:
  • Google+
Like(s): 233