02 March, 2016 08:47:12 AM
സന്തോഷ് ട്രോഫി : തമിഴ്നാടിനും ഗോവക്കും ജയം
നാഗ്പുര്‍ : സന്തോഷ് ട്രോഫി ഫൈനല്‍ റൗണ്ട് ഗ്രൂപ് 'ബി'യില്‍ തമിഴ്നാടിനും ഗോവക്കും ജയം. മുന്‍ ചാമ്പ്യന്മാരായ ഗോവ പശ്ചിമ ബംഗാളിനെ 3-1ന് തോല്‍പിച്ചപ്പോള്‍, തമിഴ്നാട് അസ്സമിനെ മറുപടിയില്ലാത്ത മൂന്ന് ഗോളിനാണ് തകര്‍ത്തത്.
ഗോള്‍രഹിതമായ ഒന്നാം പകുതിക്കുശേഷമായിരുന്നു ഗോവയുടെ ഗോള്‍വേട്ട. മിലാഗ്രസ് ഗോണ്‍സാല്‍വസ്, അഗ്നലോ കൊളാസോ, ഭീവന്‍ ഡെമല്ളോ എന്നിവരുടെ ബൂട്ടിലൂടെയായിരുന്നു ഗോവയുടെ ഗോളുകള്‍ പിറന്നത്.
പശ്ചിമ ബംഗാളിനുവേണ്ടി നരോ ഹരിശ്രേഷ്ഠ ആശ്വാസ ഗോള്‍ നേടി. രണ്ടാം മത്സരത്തില്‍ ജി. പ്രവീണ്‍ന്ദ്രന്‍െറ ഇരട്ടഗോളുകളാണ് തമിഴ്നാടിന് വിജയമൊരുക്കിയത്. 81, 85 മിനിറ്റിലായിരുന്നു പ്രവീണ്‍ന്ദ്രന്‍െറ ബൂട്ട് അസ്സം വലകുലുക്കിയത്. എന്‍. കലീമുദ്ദീന്‍ തമിഴ്നാടിന്‍െറ ആദ്യ ഗോള്‍ നേടി.
ബുധനാഴ്ച മഹാരാഷ്ട്ര റെയില്‍വേസിനെയും സര്‍വീസസ് ജമ്മു-കശ്മീരിനെയും നേരിടും.
