17 July, 2017 04:00:00 PM


ആ​ന​വ​യ​റു നി​റ​ച്ച് സാ​യൂ​ജ്യ​മ​ട​യാ​ൻ വ​ട​ക്കു​ന്നാ​ഥ ക്ഷേ​ത്രത്തിലേക്ക് ഭക്തജനപ്രവാഹം




തൃ​ശൂ​ർ: ആ​ന​വ​യ​റു നി​റ​ച്ച് സാ​യൂ​ജ്യ​മ​ട​യാ​ൻ നൂ​റു​ക​ണ​ക്കി​ന് ഭ​ക്ത​ജ​ന​ങ്ങ​ൾ പു​ല​ർ​ച്ചെ മു​ത​ൽ വ​ട​ക്കു​ന്നാ​ഥ ക്ഷേ​ത്ര സ​ന്നി​ധി​യി​ലെ​ത്തി. ക​ർ​ക്കി​ട​കം ഒ​ന്നാ​യ ഇ​ന്നു രാ​വി​ലെ​യാ​ണ് ആ​ന​യൂ​ട്ട് ന​ട​ന്ന​ത്. ആ​ന​യൂ​ട്ടി​ന് മു​ന്നോ​ടി​യാ​യി പു​ല​ർ​ച്ചെ ക്ഷേ​ത്രം ത​ന്ത്രി പു​ലി​യ​ന്നൂ​ർ ശ​ങ്ക​ര​നാ​രാ​യ​ണ​ൻ ന​ന്പൂ​തി​രി​പ്പാ​ട് ഹോ​മ​ത്തി​ന് തി​രി തെ​ളി​ച്ചു.

ആ​ന​യൂ​ട്ടി​നെ​ത്തി​യ ഏ​റ്റ​വും ചെ​റി​യ പി​ടി​യാ​ന​യാ​യ തി​രു​വ​ന്പാ​ടി ല​ക്ഷ്മി​ക്കു​ട്ടി​ക്ക് ക്ഷേ​ത്രം മേ​ൽ​ശാ​ന്തി കൊ​റ്റം​പി​ള്ളി നാ​രാ​യ​ണ​ൻ ന​ന്പൂ​തി​രി ആ​ദ്യ ഉ​രു​ള ന​ൽ​കി​യ​തോ​ടെ​യാ​ണ് ആ​ന​യൂ​ട്ടി​ന് തു​ട​ക്ക​മാ​യ​ത്. 54 ആ​ന​ക​ൾ ആ​ന​യൂ​ട്ടി​ൽ പ​ങ്കെ​ടു​ത്തു. മ​ഴ​യെ അ​വ​ഗ​ണി​ച്ചെ​ത്തി​യ ഭ​ക്ത​ജ​ന​ങ്ങ​ൾ വ​ട​ക്കു​ന്നാ​ഥ ക്ഷേ​ത്ര മു​റ്റ​ത്ത് ആ​ന​ക​ൾ​ക്ക് ഉ​രു​ള ന​ൽ​കാ​ൻ ഉൗ​ഴം കാ​ത്തു നി​ന്നു.

നാ​ൽ​പ​തോ​ളം തി​രു​മേ​നി​മാ​രു​ടെ സ​ഹ​കാ​ർ​മി​ക​ത്വ​ത്തോ​ടെ​യാ​ണ് ഹോ​മം ന​ട​ത്തി​യ​ത്. ഹോ​മ​ത്തി​ന് 12,000 നാ​ളി​കേ​രം, 1,500 കി​ലോ അ​വി​ൽ, 750 കി​ലോ മ​ല​ർ, 250 കി​ലോ എ​ള്ള്, 2,500 കി​ലോ ശ​ർ​ക്ക​ര, 500 കി​ലോ നെ​യ്യ്, 100 കി​ലോ തേ​ൻ, ഗ​ണ​പ​തി​നാ​ര​ങ്ങ, ക​രി​ന്പ് എ​ന്നി​വ​യാ​ണ് ദ്ര​വ്യ​ങ്ങ​ളാ​യി ഉ​പ​യോ​ഗി​ച്ച​ത്. ഹോ​മ​ത്തി​നു​ശേ​ഷം ആ​ന​യൂ​ട്ട് ആ​രം​ഭി​ച്ചു.

ആ​ന​ക​ളെ ഉൗ​ട്ടാ​ൻ 500 കി​ലോ അ​രി​യു​ടെ ചോ​റ്, ശ​ർ​ക്ക​ര, നെ​യ്യ്, മ​ഞ്ഞ​ൾ​പൊ​ടി എ​ന്നി​വ ചേ​ർ​ത്താ​ണ് ഒ​രു​ക്കി​യി​രു​ന്ന​ത്. ക​രി​ന്പ്, പൈ​നാ​പ്പി​ൾ, ചോ​ളം, ക​ക്കി​രി​ക്ക, ത​ണ്ണി​മ​ത്ത​ൻ, പ​ഴം തു​ട​ങ്ങി​യ പ​ഴ​വ​ർ​ഗ​ങ്ങ​ളും പ്ര​ത്യേ​ക ഒൗ​ഷ​ധ​ക്കൂ​ട്ടു​ക​ളും ന​ൽ​കി. തി​ര​ക്കു നി​യ​ന്ത്രി​ക്കാ​ൻ പ​ടി​ഞ്ഞാ​റേ​ഗോ​പു​ര​ത്തി​ന് സ​മീ​പ​ത്തു നി​ന്നും മ​തി​ൽ​ക്കെ​ട്ടി​ന​ക​ത്തേ​ക്ക് ക​ട​ക്കാ​ൻ പ്ര​ത്യേ​ക സം​വി​ധാ​നം ഇ​ത്ത​വ​ണ ഒ​രു​ക്കി​യി​രു​ന്നു. ആ​ന​യൂ​ട്ടി​ന് ഇ​ത്ത​വ​ണ സു​രേ​ഷ് ഗോ​പി എം​പി​യും വ​ട​ക്കു​ന്നാ​ഥ ക്ഷേ​ത്ര​ത്തി​ലെ​ത്തി​യി​രു​ന്നു.

വൈ​കീ​ട്ട് 6.30ന് ​കൂ​ത്ത​ന്പ​ല​ത്തി​ൽ ക്ഷേ​ത്രം ത​ന്ത്രി​യു​ടെ നേ​തൃ​ത്വ​ത്തി​ൽ ഭ​ഗ​വ​ത്സേ​വ ആ​രം​ഭി​ക്കും. വൈ​കീ​ട്ട് ആ​റു​മു​ത​ൽ പ​ടി​ഞ്ഞാ​റേ ഗോ​പു​ര​ത്തി​നു മു​ൻ​വ​ശം മേ​ള​പ്ര​മാ​ണി കി​ഴ​ക്കൂ​ട്ട് അ​നി​യ​ൻ​മാ​രാ​രു​ടെ നേ​തൃ​ത്വ​ത്തി​ൽ പാ​ണ്ടി​മേ​ള​വും അ​ര​ങ്ങേ​റും. 



Share this News Now:
  • Google+
Like(s): 16