13 April, 2023 11:51:21 AM
പ്രധാനമന്ത്രി ഏപ്രിൽ 24ന് കേരളത്തിലെത്തും; അനില്‍ ആന്‍റണി വേദി പങ്കിടും
ന്യൂഡൽഹി: പ്രധാനമന്ത്രി നരേന്ദ്രമോദിയുടെ കേരള സന്ദര്‍ശനം ഈ മാസം 24ലേക്ക് മാറ്റി. ഏപ്രിൽ 25ന് നിശ്ചയിച്ചിരുന്ന സന്ദർശനമാണ് നേരത്തെയാക്കിയത്. കൊച്ചിയില്‍ നടക്കുന്ന 'യുവം' പരിപാടിയില്‍ പങ്കെടുക്കുന്നതിനായാണ് മോദി എത്തുന്നത്. കര്‍ണാടകയിലെ നിയമസഭാ തെരഞ്ഞെടുപ്പ് പ്രചാരണത്തിന്‍റെ ഭാഗമായാണ് മാറ്റം. കോണ്‍ഗ്രസിന്‍റെ മുന്‍ സോഷ്യല്‍ മീഡിയ കോ-ഓര്‍ഡിനേറ്ററും എ.കെ. ആന്‍റണിയുടെ മകനുമായ അനില്‍ ആന്‍റണി മോദിക്കൊപ്പം വേദി പങ്കിടും എന്നാണ് വിവരം.
