07 December, 2016 04:07:59 PM


നോട്ട്​ നിരോധത്തിന്​ ശേഷമുള്ള ആദ്യ വായ്​പാനയം റിസർവ്​ ബാങ്ക്​ പ്രഖ്യാപിച്ചു


മുംബൈ:  നോട്ട്​ നിരോധത്തിന്​ ശേഷമുള്ള ആദ്യ വായ്​പാ നയം. വിലക്കയറ്റം കൂടുന്നത്​ നിയന്ത്രിക്കാൻ ​പലിശ നിരക്കുകളിൽ മാറ്റം വരുത്താതെയാണ്​ റിസർവ്​ ബാങ്ക്​  വായ്​പാ നയം പ്രഖ്യാപിച്ചത്​. റിപ്പോ നിരക്ക്​  6.25 ശതമാനത്തിൽ നിലനിർത്തിയ ആർ.ബി.​എz നവംബർ 26 ന്​ ഏർപ്പെടുത്തിയ കരുതൽ ധന അനുപാതത്തിലെ(സി.ആർ.ആർ) വ്യവസ്ഥകൾ പിൻവലിച്ചു. വായ്​പാ നയപ്രഖ്യാപനത്തെ തുടർന്ന്​ ഒാഹരി വിപണികൾ ഇടിഞ്ഞു.

വാണിജ്യ ബാങ്കുകൾക്ക്​ റിസർവ്​ ബാങ്ക്​ നൽകുന്ന വായ്​പക്ക്​ ഇൗടാക്കുന്ന പലിശയാണ്​ റിപ്പോ നിരക്ക്​. റിപ്പോ നിരക്ക്​ കാൽ ശതമാനമെങ്കിലും കുറയ്​ക്കുമെന്നായിരുന്നു ​വിപണി പ്രതീക്ഷിച്ചിരുന്നത്​. നോട്ട്​ ലഭ്യത കുറഞ്ഞത്​ വളർച്ചാ നിരക്കിനെ ബാധിക്കുമെന്നതിനാൽ നിരക്കുകൾ കുറച്ച്​ പണ ലഭ്യത ഉറപ്പുവരു​ത്തുമെന്നായിരുന്നു വിപണയുടെ പ്രതീക്ഷ.

അതേസമയം  2016-17 സാമ്പത്തിക വർഷത്തിലെ മതിപ്പ്​ ജി.ഡി.പി വളർച്ചാ നിരക്ക്​ 7.1 ശതമാനമായി പുനർനിർണയിച്ചു. വളർച്ചാ നിരക്ക്​ അര ശതമാനമാണ്​ കുറച്ചത്​. നേരത്തെ 7.6 ശതമാനം വളർച്ച നേടുമെന്നായിരുന്നു കണക്കുകൂട്ടൽ​.



Share this News Now:
  • Mail
  • Whatsapp whatsapp
Like(s): 6K