29 November, 2016 12:19:33 AM
പരിധിയില്ലാത്ത നിക്ഷേപം പിടിക്കപ്പെട്ടാൽ 85 ശതമാനം നികുതി
ദില്ലി: നോട്ട് പിന്‍വലിക്കലിന് ശേഷം പരിധിയില്ലാത്ത നിക്ഷേപം (രണ്ടര ലക്ഷത്തിന് മുകളിൽ) നടക്കുകയാണെങ്കിൽ അക്കാര്യം വെളിപ്പെടുത്തി 50 ശതമാനം തുക നികുതി ഒടുക്കി ബാക്കി പണം സ്വന്തമാക്കാമെന്ന് കേന്ദ്ര സര്‍ക്കാര്‍. നികുതിയും പിഴയും സര്‍ച്ചാര്‍ജും ഉള്‍പ്പെടെയാണിത്. എന്നാൽ പരിധിയില്ലാത്ത നിക്ഷേപം വെളിപ്പെടുത്താതെ പിടിക്കപ്പെട്ടാല്‍ തുകയുടെ 85 ശതമാനവും നഷ്ടമാകും. അതായത് നികുതിയോടൊപ്പം തുകയുടെ 60 ശതമാനം പിഴയായും അടക്കേണ്ടിവരും.
കേന്ദ്ര ധനമന്ത്രി അരുണ്‍ ജെയ്റ്റ്‌ലി ലോക്‌സഭയില്‍ അവതരിപ്പിച്ച ആദായ നികുതി നിയമ ഭേദഗതി ബില്ലിലാണ് പുതിയ നിര്‍ദേശങ്ങള്‍ ശിപാർശ ചെയ്തിരിക്കുന്നത്. പുതിയ നിയമ ഭേദഗതി പ്രകാരം വെളിപ്പെടുത്തുന്ന തുകയുടെ 25 ശതമാനം നാലു വര്‍ഷത്തേക്ക് സര്‍ക്കാരിന്റെ ദാരിദ്ര്യ നിര്‍മാര്‍ജന സ്‌കീമായ 'പ്രധാൻമന്ത്രി ഗരീബ് കല്യാൺ യോജന' യിലേക്ക് പലിശയില്ലാതെ നിക്ഷേപിക്കുകയും വേണം.
