11 February, 2022 04:46:34 PM
ചികിത്സ വൈകിയെന്ന് ആരോപിച്ച് ഡോക്ടറെ ആക്രമിച്ചു; പോലീസുകാരൻ അറസ്റ്റിൽ
ആലപ്പുഴ: നൂറനാട് സ്വകാര്യ ആശുപത്രിയിലെ ഡോക്ടറെ ആക്രമിച്ച പോലീസുദ്യോഗസ്ഥൻ അറസ്റ്റിൽ. അടൂർ പോലീസ് സ്റ്റേഷനിലെ പോലീസുകാരൻ രതീഷ് ആണ് അറസ്റ്റിലായത്. അമ്മയ്ക്ക് ചികിത്സ വൈകിയെന്ന് ആരോപിച്ചായിരുന്നു ആക്രമണം. മർദനത്തിൽ ഡോ. വെങ്കിടേഷിന്‍റെ തലയ്ക്കും കാലിനും പരിക്കേറ്റു. ഇയാൾ അസഭ്യം പറഞ്ഞതായും ഡോക്ടർ ആരോപിക്കുന്നു. വ്യാഴാഴ്ച രാത്രിയാണ് സംഭവം. പോലീസുകാരനെതിരെ കർശന നടപടി സ്വീകരിക്കണമെന്ന് ഡോ. വെങ്കിടേഷ് ആവശ്യപ്പെട്ടു.
