14 December, 2021 09:00:27 AM
നാല് മൃതദേഹങ്ങൾ കൂടി കണ്ടെത്തി; സിസിലി സ്ഫോടനത്തിൽ മരണം ഏഴായി
സിസിലി: ഇറ്റാലിയൻ നഗരമായ സിസിലിയിൽ സ്ഫോടനത്തെത്തുടർന്നു തകർന്ന നാല് റസിഡൻഷ്യൽ കെട്ടിടങ്ങളിൽ നിന്ന് നാല് മൃതദേഹങ്ങൾ കൂടി രക്ഷാപ്രവർത്തകർ കണ്ടെടുത്തു. ഇതോടെ സ്ഫോടനത്തിൽ മരണപ്പെട്ടവരുടെ എണ്ണം ഏഴായി. സിസിലിയിലെ റവനുസയിൽ ശനിയാഴ്ച വൈകുന്നേരമാണ് സ്ഫോടനമുണ്ടായത്.
തകർന്ന കെട്ടിടങ്ങളിൽ നിന്ന് നൂറോളം പേരെ അധികൃതർ രക്ഷപ്പെടുത്തിയിരുന്നു. കെട്ടിടാവശിഷ്ടങ്ങൾക്കടിയിൽപ്പെട്ട രണ്ടു പേ ർക്ക് വേണ്ടിയുള്ള തെരച്ചിൽ തുടരുകയാണെന്ന് അഗ്നിശമന സേനാംഗങ്ങൾ പറഞ്ഞു. വാതക ചോർച്ചയാണ് സ്ഫോടനത്തിന് കാരണമെന്നാണ് പ്രാഥമിക നിഗമനം. സ്ഫോടനത്തിൽ നാല് വീടു കൾ തകരുകയും മൂന്ന് വീടുകൾക്ക് കേടുപാടുകൾ സംഭവിക്കുകയും ചെയ്തിരുന്നു.
