04 December, 2021 05:21:18 PM


വസ്ത്രം വലിച്ചു കീറി, വീഡിയോ പകർത്തി; തന്‍റെ ദുരനുഭവം വിവരിച്ച് സീരിയൽ നടി



ബ്രിസ്റ്റോള്‍: റെയിൽവേ സ്റ്റേഷനിൽ ട്രെയിൻ വരാനായി കാത്തുനിൽക്കുമ്പോഴുണ്ടായ ലൈംഗിക അതിക്രമത്തെക്കുറിച്ച് തുറന്നു പറഞ്ഞ് സീരിയൽ താരം. 2021 മാർച്ച് 24 ന് ഏകദേശം 10 മണിക്ക് ബെർക്ക്‌ഷെയറിലെ റീഡിംഗിൽ നിന്ന് ബ്രിസ്റ്റോൾ ടെമ്പിൾ മീഡ്‌സ് സ്റ്റേഷനിലേക്കുള്ള ട്രെയിനിനായി ഒരു പ്ലാറ്റ്‌ഫോമിൽ കാത്തുനിൽക്കുമ്പോഴായിരുന്നു ഈ ദുരനുഭവം നേരിടേണ്ടി വന്നത് എന്ന് 22 കാരിയായ നടി സോഷ്യൽ മീഡിയയിൽ പോസ്റ്റ് ചെയ്ത വീഡിയോയിൽ പറഞ്ഞു. 

2019 ലെ ടി.വി. പരിപാടിയായ അപ്രന്റിസ് മത്സരാർത്ഥിയായി ശ്രദ്ധ നേടിയ ലോട്ടി ലയൺ ആണ് ദാരുണമായ സംഭവം നേരിടേണ്ടി വന്നത്. 22കാരിയായ മുൻ റിയാലിറ്റി താരം തനിച്ച് യാത്ര ചെയ്യുന്നതിനിടെ സംഭവിച്ച ഭയാനകമായ പരീക്ഷണത്തെക്കുറിച്ച് ടിക് ടോക് വീഡിയോയിൽ പോസ്റ്റ് ചെയ്തത്. ഒരു പുരുഷൻ തന്നെ ശാരീരികമായി ഉപദ്രവിക്കുകയും രണ്ട് സുഹൃത്തുക്കൾ അത് ചിത്രീകരിക്കുകയും ചെയ്തതായി അവർ പറഞ്ഞു.  സുഹൃത്തുമായി ഫോണിൽ സംസാരിക്കുന്നതിനിടെയാണ് ഇവർ തന്നെ ആക്രമിച്ചത്. ഒരാൾ തന്‍റെ ടോപ്പ് താഴേക്ക് വലിച്ചിട്ട് നെഞ്ചിന്‍റെ ഒരു ഫോട്ടോ എടുത്തു, അതിനുശേഷം സംഘത്തിൽ നിന്ന് രക്ഷപ്പെടാൻ താൻ ട്രെയിനിലേക്ക് തിടുക്കത്തിൽ കയറിയതായി അവർ ഓർക്കുന്നു.

'ഞാൻ പോയി തിരക്കുള്ള ഒരു വണ്ടിയിൽ ഇരുന്നു. എപ്പോഴും ചെയ്യേണ്ടത് അതാണ്, പോയി ആളുകളുടെ അടുത്തിരിക്കുക. ഏകദേശം 10 മിനിറ്റ് നേരം പരിഭ്രാന്തയാകാതിരിക്കാൻ ഞാൻ അവിടെ ഇരുന്നു.' അവർ പറഞ്ഞു. 'ഞാൻ തലയുയർത്തി നോക്കിയപ്പോൾ വണ്ടിയുടെ വാതിലുകൾ തുറന്നിരിക്കുന്നത് കണ്ടു, ഈ മൂന്നുപേരും എന്നെ നേരിട്ട് നോക്കിക്കൊണ്ട് എന്‍റെ നേർക്ക് നടന്നുവരുകയായിരുന്നു. ഒരു വഴിപോക്കനോട് സാഹചര്യം വിശദീകരിച്ചു. ഉടൻ തന്നെ ഫസ്റ്റ് ക്ലാസ് വണ്ടിയിൽ കയറ്റി എനിക്കായി ഇടം നൽകുകയും ചെയ്തു.' - അവർ പറഞ്ഞു.

ബ്രിട്ടീഷ് ട്രാൻസ്‌പോർട്ട് പോലീസിന്‍റെ ഒരു വീഡിയോയ്ക്ക് മറുപടിയായാണ് ലോട്ടി സോഷ്യൽ മീഡിയയിൽ തന്‍റെ കഥ പോസ്റ്റ് ചെയ്തത്. പൊതുഗതാഗതത്തിൽ ഒറ്റയ്ക്ക് യാത്ര ചെയ്യുന്ന സ്ത്രീകളെ എങ്ങനെ സഹായിക്കുന്നുവെന്ന് ബിടിപി വിശദീകരിക്കുന്ന വീഡിയോ ആണിത്. ആക്രമണത്തിന് ശേഷം തനിക്ക് നൽകിയ പിന്തുണയെ ലോട്ടി പ്രശംസിച്ചു


Share this News Now:
  • Mail
  • Whatsapp whatsapp
Like(s): 5.4K