16 August, 2021 04:44:32 PM
സൗഹൃദത്തിന് തയാർ; താലിബാനെ ഔദ്യോഗികമായി അംഗീകരിച്ച് ചൈന
കാബുൾ: അഫ്ഗാനിസ്ഥാനിലെ താലിബാൻ ഭരണത്തെ ഔദ്യോഗികമായി അംഗീകരിച്ച് ചൈന. താലിബാനുമായി സൗഹൃദത്തിനും സഹകരണത്തിനും തയാറാണെന്ന് ചൈനയുടെ വിദേശകാര്യ വക്താവ് ഹുവാ ചുൻയിംഗ് മാധ്യമങ്ങളെ അറിയിച്ചു. താലിബാൻ നേതൃത്വത്തെ അംഗീകരിക്കുന്ന ആദ്യ രാജ്യമാണ് ചൈന.
അഫ്ഗാൻ ജനതയ്ക്ക് അവരുടെ വിധി സ്വതന്ത്രമായി നിർണയിക്കാനുള്ള അവകാശത്തെ ചൈന ബഹുമാനിക്കുന്നു. ചൈനയുമായി നല്ല ബന്ധം വളർത്തിയെടുക്കാമെന്ന പ്രതീക്ഷ താലിബാൻ ആവർത്തിച്ച് പ്രകടിപ്പിച്ചിട്ടുണ്ട്. അഫ്ഗാനുമായി സൗഹൃദപരവും സഹകരണപരവുമായ ബന്ധം വളർത്താൻ തയാറാണെന്നും ചൈനീസ് വക്താവ് പറഞ്ഞു.
അഫ്ഗാനിലെ ചൈനീസ് എംബസിയുടെ പ്രവര്‍ത്തനം ഉടന്‍തന്നെ സാധാരണ നിലയിലാക്കുമെന്നും ചൈന വ്യക്തമാക്കി.
