15 May, 2021 05:20:04 PM
കോവിഡ് ബാധിച്ച്‌ 'മരിച്ച' വയോധിക സംസ്കാരത്തിന് തൊട്ടുമുമ്പ് ചാടി എഴുന്നേറ്റു
ബരാമതി: കോവിഡ് ബാധിച്ച്‌ മരിച്ചെന്നുകരുതി അന്ത്യകര്‍മങ്ങള്‍ക്ക് ഒരുങ്ങവേ വയോധിക കിടക്കയില്‍ എഴുന്നേറ്റ് ഇരുന്നു. മഹാരാഷ്ട്രയിലെ ബാരാമതിയിലാണ് വിചിത്രമായ സംഭവം. 76 കാരിയായ ശകുന്തള ഗെയ്ക്വാദാണ് മരണവക്കില്‍ നിന്ന് ജീവിതത്തിലേക്ക് തിരിച്ചുവന്നത്. ഏതാനും ദിവസം മുമ്ബാണ് ശകുന്തളക്ക് കോവിഡ് ബാധിച്ചത്. തുടര്‍ന്ന് മെയ് 10ന് അവരെ ബാരാമതിയിലെ ആശുപത്രിയിലേക്ക് മാറ്റാന്‍ കുടുംബം തീരുമാനിച്ചു.
ഇവരെ സ്വകാര്യ വാഹനത്തില്‍ ബാരാമതിയിലേക്ക് കൊണ്ടുപോവുകയും ചെയ്തു. എന്നാല്‍ ആശുപത്രിയില്‍ ഇവര്‍ക്ക് കിടക്ക ലഭിച്ചിരുന്നില്ല. കിടക്കക്കായി കാറില്‍ കാത്തിരിക്കുേമ്ബാള്‍തന്നെ ശകുന്തള അബോധാവസ്ഥയിലായി. ഇവര്‍ ചലിക്കാതായതോടെ മരിച്ചെന്ന വിശ്വാസത്തില്‍ കുടുംബാംഗങ്ങള്‍ തിരികെ വീട്ടിലേക്ക് കൊണ്ടുവരികയായിരുന്നു. തുടര്‍ന്ന് ബന്ധുക്കളെ വിവരംഅറിയിക്കുകയും അന്ത്യകര്‍മങ്ങള്‍ക്കുള്ള ഒരുക്കം ആരംഭിക്കുകയും ചെയ്തു.
ബന്ധുക്കള്‍ ചുറ്റുംകുടിയിരുന്ന് കരയാന്‍ ആരംഭിച്ചപ്പോഴാണ് ശകുന്തള പെട്ടന്ന് കണ്ണ് തുറന്നത്. തുടര്‍ന്ന് ഇവര്‍ എഴുന്നേറ്റ് ഇരിക്കുകയും ചെയ്തു. ആദ്യം അമ്ബരന്നെങ്കിലും വീട്ടുകാര്‍ ഉടന്‍തന്നെ ഇവരെ ആശുപത്രിയില്‍ എത്തിക്കുകയായിരുന്നു. ബാരാമതിയിലെ മുധലെ ഗ്രാമത്തിലാണ് സംഭവം നടന്നതെന്ന് പോലീസുകാരന്‍ സന്തോഷ് ഗെയ്ക്വാദ് സ്ഥിരീകരിച്ചിട്ടുണ്ട്. കൂടുതല്‍ ചികിത്സയ്ക്കായി വയോധികയെ ബാരാമതിയിലെ സില്‍വര്‍ ജൂബിലി ആശുപത്രിയില്‍ പ്രവേശിപ്പിച്ചതായി ഡോ. സദാനന്ദ് കേല്‍ പറഞ്ഞു.
