11 April, 2021 09:50:27 PM
സഹപ്രവർത്തകയോട്‌ അപമര്യാദയായി പെരുമാറി; രണ്ടു കോൺഗ്രസുകാർ റിമാന്‍ഡില്‍
ആലപ്പുഴ: സഹപ്രവർത്തകയായ കോൺഗ്രസുകാരിയോട്‌ അപമര്യാദയായി പെരുമാറിയ രണ്ടു കോൺഗ്രസുകാർ അറസ്റ്റിൽ. കൊമ്മാടി സ്വദേശികളായ ബിനു പാപ്പച്ചൻ, മാർട്ടിൻ ജോസഫ് എന്നിവരാണ് പിടിയിലായത്. നിയമസഭാ തെരെഞ്ഞെടുപ്പ് ദിവസമാണ് കേസിനാസ്‌പദമായ സംഭവം. മോശമായിസംസാരിക്കുകയും ദേഹത്ത് സ്‌പർശിക്കുകയും ചെയ്‌തെന്നാണ്‌ പരാതിയെന്ന്‌ പൊലീസ്‌ അറിയിച്ചു. ശനിയാഴ്‌ച പകൽ ആലപ്പുഴ നോർത്ത് പൊലീസാണ് ഇരുവരെയും അറസ്‌റ്റ്‌ ചെയ്‌തത്‌. ഇരുവരെയും റിമാൻഡ് ചെയ്തു.
