27 March, 2021 12:28:10 PM
പാപ്പിനിശ്ശേരി മേല്‍പാലത്തില്‍ വിള്ളൽ; പിന്നിൽ പാലാരിവട്ടം പാലം നിർമ്മിച്ച കമ്പനി
കണ്ണൂര്‍: പാപ്പിനിശ്ശേരി റെയിൽവേ മേൽപാലം നിർമാണത്തില്‍ അപാകത കണ്ടെത്തി. പാലത്തിന്റെ എക്സ്പാൻഷൻ സ്ലാബിന്റെ അടിയിലെ ബീമിൽ നിന്ന് വെള്ളിയാഴ്ച രാവിലെ ഒന്നരയടി കോളം നീളത്തിലുള്ള കോൺക്രീറ്റ് ഭാഗം ഇളകി വീണു. ഇതേ സ്ലാബിന്റെ തെക്ക് ഭാഗത്ത് അരിക് ഭിത്തിയിലും താഴെയും വിള്ളലും കണ്ടെത്തി.
സ്ലാബിന്റെ കോൺക്രീറ്റ് പാളി ഇളകിവീണ സ്ഥലത്തിനോട് ചേർന്നാണ് സർവിസ് റോഡ് പോകുന്നത്. നിരവധി വാഹനങ്ങളും യാത്രക്കാരും സ്ഥിരമായി പോകുന്ന വഴി കൂടിയാണിത്. ആർ.ഡി.എസ് കമ്പനിയാണ് പാപ്പിനിശ്ശേരി മേൽപാലം നിർമിച്ചത്. ഇതേ കമ്പനി നിർമിച്ച എറണാകുളം ജില്ലയിലെ പാലാരിവട്ടം പാലമാണ് പൊളിച്ചുമാറ്റി പുതിയത് നിർമിച്ചത്.
