03 September, 2020 07:43:43 AM
റിയാദിൽ കെട്ടിടം തകർന്ന് മലയാളി ഉൾപ്പെടെ രണ്ട് ഇന്ത്യക്കാർ മരിച്ചു
റിയാദ്: സൗദിയിൽ റിയാദിലെ തെക്ക് പടിഞ്ഞാറൻ പ്രദേശമായ അതീഖയിൽ കെട്ടിടം തകർന്ന് മലയാളി ഉൾപ്പെടെ രണ്ട് ഇന്ത്യക്കാർ മരിച്ചു. പാലക്കാട് സ്വദേശി മുഹമ്മദ് (47), ഒരു തമിഴ്നാട് സ്വദേശി എന്നിവരാണ് മരിച്ചത്. സ്ഭവത്തിൽ അഞ്ച് പേർക്ക് പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചു. അതീഖ പച്ചക്കറി മാർക്കറ്റിന് സമീപത്തെ കെട്ടിടമാണ് തകർന്നത്. കാലപ്പഴക്കം ചെന്ന കെട്ടിടമാണിതെന്ന് സിവിൽ ഡിഫൻസ് വക്താവ് വെളിപ്പെടുത്തി.
