08 April, 2020 11:46:53 AM
ഇന്ത്യൻ മാധ്യമപ്രവർത്തകൻ അമേരിക്കയില്‍ കോവിഡ് ബാധിച്ച് മരിച്ചു
ന്യൂയോര്‍ക്ക്: അമേരിക്കയിൽ കോവിഡ് 19 ബാധിച്ച് ഇന്ത്യൻ - അമേരിക്കൻ മാധ്യമപ്രവർത്തകൻ മരിച്ചു. യുണൈറ്റഡ് ന്യൂസ് ഓഫ് ഇന്ത്യ മുൻ മാധ്യമപ്രവർത്തകനായ ബ്രാം കഞ്ചിബോട്‌ലയാണ് (66) മരിച്ചത്. ന്യൂയോർക്കിലെ ആശുപത്രിയിൽ തിങ്കളാഴ്ച രാത്രിയായിരുന്നു മരണം. ഒമ്പതു ദിവസമായി അദ്ദേഹം ചികിത്സയിലായിരുന്നു. നിരവധി ഇന്ത്യൻ മാധ്യമസ്ഥാപനങ്ങളിൽ ജോലി ചെയ്ത ബോട്‌ല 1992 ൽ ആണ് അമേരിക്കയിലേക്ക് കുടിയേറിയത്. മെർജർ മാർക്കറ്റ്സ് എന്ന സ്ഥാപനത്തിൽ ജോലി ചെയ്തുവരികയായിരുന്നു
