05 February, 2020 09:46:10 AM
11 മാസം പ്രായമുള്ള മലയാളി ശിശു ദുബായില്‍ കോടിപതി
ദുബായ്: 11 മാസം പ്രായമുള്ള മലയാളി ശിശു ദുബായില്‍ കോടീശ്വരന്‍. ദുബായ് ഡ്യൂട്ടി ഫ്രീ നറുക്കെടുപ്പിലാണ് മലയാളിയായ 11 മാസം മാത്രം പ്രായമുള്ള മുഹമ്മദ് സല ഭാഗ്യജേതാവായത്. പത്തു ലക്ഷം ഡോളർ (ഏകദേശം 7.13 കോടി രൂപ) ആണ് സമ്മാനം. അബുദാബിയിലെ സ്വകാര്യ കമ്പനിയിൽ അക്കൗണ്ടന്‍റായി ജോലി ചെയ്യുന്ന റമീസ് റഹ്മാന്‍റെ കുഞ്ഞാണ് സല.
കഴിഞ്ഞ മാസമാണ് റമീസ് മകന്‍റെ പേരിൽ ഓണ്‍ലൈനിൽ ടിക്കറ്റ് വാങ്ങിയത്. സമ്മാനം ലഭിച്ചത് മകന്‍റെ ഭാഗ്യമാണെന്നും പണം എന്തു ചെയ്യണമെന്നു തീരുമാനിച്ചിട്ടില്ലെന്നും റമീസ് പ്രതികരിച്ചു. കുഞ്ഞിന്‍റെ ചിത്രങ്ങൾ പ്രസിദ്ധീകരിക്കരുതെന്നും അദ്ദേഹം അഭ്യർഥിച്ചു.
