28 January, 2020 07:29:34 PM
വിവാഹ വാഗ്ദാനം നല്‍കി പീഡനം: ഗുരുവായൂര്‍ സ്വദേശിയ്ക്ക് പത്ത് വര്‍ഷം കഠിന തടവ്
കൊച്ചി: മാട്രിമോണിയല്‍ സൈറ്റില്‍ പരസ്യം നല്‍കി പരിചയത്തിലായ യുവതിയെ പീഡിപ്പിച്ച കേസില്‍ പ്രതി ഗുരുവായൂര്‍ മുണ്ടത്തറ ജെറീഷിന് (ജിതിന്‍-31) പത്ത് വര്‍ഷം കഠിന തടവും രണ്ട് ലക്ഷം രൂപ പിഴയും ശിക്ഷ. ജില്ലാ അഡീ.സെഷന്‍സ് ജഡ്ജി കെ.എസ്.ശരത്ചന്ദ്രനാണു ശിക്ഷ വിധിച്ചത്.
2015 സെപ്റ്റംബര്‍ 16ന് യുവതിയെ ഇടപ്പള്ളി അഞ്ചുമനയിലെ വാടകവീട്ടിലേക്കു വിളിച്ചുവരുത്തി പീഡിപ്പിച്ചുവെന്നാണ് പരാതി. പീഡന ദൃശ്യങ്ങള്‍ പ്രതി ഒളിക്യാമറയില്‍ പകര്‍ത്തിയിരുന്നു. പിന്നീട് അതു കാണിച്ചു ഭീഷണിപ്പെടുത്തി പീഡിപ്പിച്ചെന്നും യുവതി നല്‍കിയ പരാതിയില്‍ പറയുന്നു. കേസില്‍ 21 സാക്ഷികളെ വിസ്തരിച്ചു. 42 രേഖകളും 9 തൊണ്ടി മുതലുകളും വിചാരണ കോടതി പരിശോധിച്ചു.
