20 November, 2019 10:25:44 PM
ഓടിച്ചിട്ട് ഹെല്‍മെറ്റ് വേട്ട വേണ്ടെന്ന് ഹൈക്കോടതി; പരിശോധന കര്‍ശനമാക്കുമെന്ന് ഗതാഗത മന്ത്രി ശശീന്ദ്രന്‍
തിരുവനന്തപുരം: സംസ്ഥാനത്ത് ഹെല്‍മറ്റ് പരിശോധന കര്‍ശനമാക്കുമെന്ന് ഗതാഗത മന്ത്രി എ കെ ശശീന്ദ്രന്‍. എന്നാല്‍ വാഹന പരിശോധനയുടെ പേരില്‍ പ്രാകൃതമായ വേട്ടയാടല്‍ ഉണ്ടാകില്ലെന്നും ബോധവല്‍ക്കരണത്തിലൂടെയാകും നിയമം നടപ്പിലാക്കാന്‍ ശ്രമിക്കുകയെന്നും മന്ത്രി വ്യക്തമാക്കി. പരിശോധനയ്ക്കായി മെച്ചപ്പെട്ട ക്യാമറകള്‍ സ്ഥാപിച്ചെന്നും ബോധവല്‍ക്കരണത്തിന് നിര്‍ദ്ദേശം നല്‍കിയെന്നും അദ്ദേഹം പറഞ്ഞു.
ഓടിച്ചിട്ട് ഹെല്‍മെറ്റ് വേട്ട വേണ്ടെന്നു ഹൈക്കോടതി നിര്‍ദേശിച്ചതിനു പിന്നാലെയാണ് പരിശോധന കര്‍ശനമാക്കുമെന്ന് മന്ത്രി വ്യക്തമാക്കിയത്. ഡിസംബര്‍ ഒന്ന് മുതല്‍ ഇരുചക്ര വാഹനത്തിലെ പിന്‍സീറ്റ് യാത്രികര്‍ക്കും ഹെല്‍മെറ്റ് നിര്‍ബന്ധമാക്കിയാണ് ഹൈക്കോടതി ഉത്തരവിറക്കിയത്. നിയമം ചോദ്യം ചെയ്ത് സര്‍ക്കാര്‍ സമര്‍പ്പിച്ച ഹര്‍ജി ഹൈക്കോടതി വിധി എതിരാകുമെന്ന് ബോധ്യപ്പെട്ട് പിന്‍വലിക്കുകയും ചെയ്തിരുന്നു.
