Breaking News
പേരാവൂരിനടുത്ത് നെടുംപൊയിലില്‍ ആര്‍എസ്‌എസ് പ്രവര്‍ത്തകനെ വെട്ടിക്കൊന്നു... വൈക്കം മുറിഞ്ഞപുഴയില്‍ മത്സ്യ തൊഴിലാളികളുടെ വലയില്‍ മൃതദേഹം... കാശ്മീരിൽ പാക് വെടിവയ്പ്: മ​ല​യാ​ളി ജ​വാ​ന് വീരമൃത്യു... ജി​എ​സ്ടി​യി​ൽ വീ​ണ്ടും ഇ​ള​വ്... കാസർഗോട്ട് വീട്ടമ്മ കൊല്ലപ്പെട്ട നിലയിൽ... ശ്രീജിവിന്‍റെ കസ്റ്റഡി മരണം സിബിഐ അന്വേഷിക്കും... ദേശീയ ബോക്സിംഗ് താരത്തിന്‍റെ കൊലപാതകവുമായി ബന്ധപ്പെട്ട് മൂന്ന് പേർ പിടിയിൽ... ഗോ​വ​യി​ൽ ഇ​ന്ന് ടൂ​റി​സ്റ്റ് ടാ​ക്സി ഡ്രൈ​വ​ർ​മാ​രു​ടെ പ​ണി​മു​ട​ക്ക്... സിം​ബാ​ബ്‌​വേ പ്ര​തി​പ​ക്ഷ നേ​താ​വും ഭാര്യയും ഹെ​ലി​കോ​പ്റ്റ​ർ അ​പ​ക​ട​ത്തി​ൽ മ​രി​ച്ചു...

29 March, 2016 03:59:45 PM


ചൂടിന്‍റെ കാഠിന്യത്താല്‍ വേനല്‍ക്കാല രോഗങ്ങള്‍ പടര്‍ന്നു പിടിക്കുന്നു



ഇടുക്കി : ചൂട്‌ അസഹ്യമായതോടെ ജില്ലയില്‍ വേനല്‍ക്കാല രോഗങ്ങള്‍ പടരുന്നു. ചിക്കന്‍പോക്‌സ്‌, ഡെങ്കിപ്പനി, എലിപ്പനി, ടൈഫോയ്‌ഡ്‌ തുടങ്ങിയ രോഗ ലക്ഷണങ്ങളുമായി നിരവധി പേരാണ്‌ ചികിത്സ തേടുന്നത്‌. ഇതിനിടെ എലിപ്പനി, ന്യുമോണിയ എന്നിവ ബാധിച്ച്‌ രണ്ടുപേര്‍  മരണപ്പെടുകയും ചെയ്തു. 

ഇന്നലെ മാത്രം 239 പേരാണ്‌ ജില്ലയിലെ സര്‍ക്കാര്‍ ആശുപത്രികളില്‍ ചികിത്സ തേടിയത്‌. ഇതില്‍ 10 പേര്‍ക്ക്‌ കിടത്തി ചികിത്സ ലഭ്യമാക്കിയിട്ടുണ്ട്‌. ഇന്നലെ ആശുപത്രികളിലെത്തിയ രണ്ടു രോഗികളില്‍ ഡെങ്കിപ്പനി സ്‌ഥിരീകരിച്ചു. വണ്ണപ്പുറം സ്വദേശികളിലാണ്‌ ഡെങ്കിപ്പനി കണ്ടെത്തിയിരിക്കുന്നത്‌. 12 പേരിലാണ്‌ ചിക്കന്‍പോക്‌സ്‌ കണ്ടെത്തിയത്‌. നെടുങ്കണ്ടം സ്വദേശിയായ ഒരാളില്‍ ടൈഫോയ്‌ഡും സ്‌ഥിരീകരിച്ചിട്ടുണ്ട്‌. കഴിഞ്ഞ 28 ദിവസത്തിനിടെ പനി ബാധിച്ച്‌ 4341 പേരാണ്‌ ആശുപത്രികളില്‍ എത്തിയത്‌. 



Share this News Now:
  • Google+
Like(s): 490