25 March, 2016 09:41:11 AM
ചലച്ചിത്രനടൻ ജിഷ്ണു അന്തരിച്ചു
കൊച്ചി: ചലച്ചിത്രനടൻ ജിഷ്ണു അന്തരിച്ചു. ഇന്ന് രാവിലെ 8.15ന് കൊച്ചിയിലെ അമൃത ആശുപത്രിയിലായിരുന്നു അന്ത്യം. അർബുദ രോഗബാധയെത്തുടർന്ന് ഏറെ നാളായി ചികിത്സയിലായിരുന്നു. പഴയകാല നടനായിരുന്ന രാഘവന്‍റെ മകനാണ്. ധന്യ രാജൻ ആണ് ഭാര് . പിതാവ് രാഘവനും ബന്ധുക്കളും മരണ സമയത്ത് അടുത്തുണ്ടായിരുന്നു.
കിളിപ്പാട്ട് എന്ന മലയാള ചലച്ചിത്രത്തിലൂടെ ബാലതാരമായാണ് ജിഷ്ണു ചലച്ചിത്രത്തിൽ അരങ്ങേറ്റം കുറിച്ചത്. കമൽ സംവിധാനം ചെയത് നമ്മൾ ആയിരുന്നു ഏറ്റവും ശ്രദ്ധേയമായ സിനിമ. ചൂണ്ട, വലത്തോട്ട് തിരിഞ്ഞാൽ നാലാമത്തെ വീട്, ടൂ വീലർ, ഫ്രീഡം, നേരറിയാൻ സി.ബി.ഐ, പൗരൻ, പറയാം, ചക്കരമുത്ത്, നിദ്ര, ഓർഡിനറി തുടങ്ങി 25ഓളം എന്നീ സിനിമകളിൽ അഭിനയിച്ചിട്ടുണ്ട്. റബേക്ക ഉതുപ്പ് കിഴക്കേമല ആയിരുന്നു അവസാനചിത്രം. മിസ്സിസ് രാഘവൻ എന്ന തമിഴ് ചിത്രത്തിൽ വില്ലൻ വേഷത്തിലും അഭിനയിച്ചിട്ടുണ്ട്. നാല് സിനിമകൾ റിലീസ് ചെയ്യാനിരിക്കെയാണ് മരണം സംഭവിച്ചത്.
