Breaking News
പാലാരിവട്ടം പാലം പൊളിച്ച് പണിയുവാന്‍ ഇ ശ്രീധരനെ ചുമതലപ്പെടുത്തി... എറണാകുളം കാരിക്കോട് കാർ ലോറിയുമായി കൂട്ടിയിടിച്ച് ഒരു മരണം... കൊ​ളം​ബി​യ​യി​ൽ ചെ​റു​വി​മാ​നം ത​ക​ർ​ന്ന് ഏ​ഴ് പേ​ർ മരി​ച്ചു... മുണ്ടക്കയത്ത് സ്വകാര്യ ബസും കെ.എസ്.ആർ.ടി.സി ബസും കൂട്ടിയിടിച്ച് അൻപതോളം യാത്രക്കാർക്ക് പരിക്ക്... കോ​ട്ട​യം തു​രു​ത്തി മി​ഷ​ൻ പ​ള്ളി​ക്കു സ​മീ​പം കാ​ർ ടാ​ങ്ക​ർ ലോ​റി​യി​ൽ ഇ​ടി​ച്ച് ഒ​രാ​ൾ മ​രി​ച്ചു... കവിയും സാഹിത്യകാരനുമായ കിളിമാനൂര്‍ മധു അന്തരിച്ചു... ഏറ്റുമാനൂര്‍ വിജയ ബുക്ക് സ്റ്റാള്‍ ഉടമ കാണക്കാരി ഞാറത്തടത്തില്‍ എന്‍.എം.മത്തായി അന്തരിച്ചു... ഉത്തര്‍പ്രദേശില്‍ രാഷ്ട്രപിതാവ് മഹാത്മാ ഗാന്ധിയുടെ പ്രതിമ തകർത്തു...

05 May, 2019 10:56:50 PM


ഏറ്റുമാനൂര്‍ പാറോലിക്കല്‍ കവലയില്‍ ബൈക്ക് കാറുമായി കൂട്ടിയിടിച്ച് കുമാരനല്ലൂര്‍ സ്വദേശി യുവാവ് മരിച്ചു



ഏറ്റുമാനൂര്‍: എം.സി.റോഡില്‍ പാറോലിക്കല്‍ കവലയില്‍ ബൈക്ക് കാറുമായി കൂട്ടിയിടിച്ച് ബൈക്കില്‍ സഞ്ചരിച്ചിരുന്ന യുവാവ് മരിച്ചു. കുമാരനല്ലൂര്‍ കണിയാറ്റുകുന്ന് വീട്ടില്‍ ഗോപികൃഷ്ണന്‍ (23) ആണ് മരിച്ചത്. ഞായറാഴ്ച രാത്രി എട്ട് മണിയോടെ ആയിരുന്നു അപകടം. കോട്ടയം ഭാഗത്തുനിന്നും വന്ന സ്കൂട്ടര്‍ പാറോലിക്കല്‍ കവലയില്‍നിന്നും ഓള്‍ഡ് എം.സി.റോഡിലേക്ക് തിരിയവേ പിന്നില്‍നിന്നും വന്ന ബൈക്ക് ഇടിച്ചായിരുന്നു അപകടം. 


സ്കൂട്ടറില്‍ ഇടിച്ച് നിയന്ത്രണം വിട്ട ബൈക്ക് എതിര്‍ദിശയില്‍നിന്നും വന്ന കാറിലിടിച്ചതോടെ ബൈക്കിന് പിന്നിലിരുന്ന് യാത്ര ചെയ്യുകയായിരുന്ന ഗോപികൃഷ്ണന്‍ തലയടിച്ച് റോഡില്‍ വീഴുകയായിരുന്നു. ബൈക്കും സ്കൂട്ടറും ഓടിച്ചിരുന്ന യുവാക്കളെ പരിക്കുകളോടെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. വിദ്യാഭ്യാസവകുപ്പ് റിട്ട ജീവനക്കാരന്‍ പി.ബാലചന്ദ്രന്‍ നായരുടെയും കാരാപ്പുഴ സ്കൂള്‍ പ്രധാനാദ്ധ്യാപിക പി.സുശീലയുടെയും മകനാണ് ഗോപികൃഷ്ണന്‍. സഹോദരങ്ങള്‍ വിഷ്ണു, ജയകൃഷ്ണന്‍. 



Share this News Now:
  • Google+
Like(s): 275