Breaking News
പാലാരിവട്ടം പാലം പൊളിച്ച് പണിയുവാന്‍ ഇ ശ്രീധരനെ ചുമതലപ്പെടുത്തി... എറണാകുളം കാരിക്കോട് കാർ ലോറിയുമായി കൂട്ടിയിടിച്ച് ഒരു മരണം... കൊ​ളം​ബി​യ​യി​ൽ ചെ​റു​വി​മാ​നം ത​ക​ർ​ന്ന് ഏ​ഴ് പേ​ർ മരി​ച്ചു... മുണ്ടക്കയത്ത് സ്വകാര്യ ബസും കെ.എസ്.ആർ.ടി.സി ബസും കൂട്ടിയിടിച്ച് അൻപതോളം യാത്രക്കാർക്ക് പരിക്ക്... കോ​ട്ട​യം തു​രു​ത്തി മി​ഷ​ൻ പ​ള്ളി​ക്കു സ​മീ​പം കാ​ർ ടാ​ങ്ക​ർ ലോ​റി​യി​ൽ ഇ​ടി​ച്ച് ഒ​രാ​ൾ മ​രി​ച്ചു... കവിയും സാഹിത്യകാരനുമായ കിളിമാനൂര്‍ മധു അന്തരിച്ചു... ഏറ്റുമാനൂര്‍ വിജയ ബുക്ക് സ്റ്റാള്‍ ഉടമ കാണക്കാരി ഞാറത്തടത്തില്‍ എന്‍.എം.മത്തായി അന്തരിച്ചു... ഉത്തര്‍പ്രദേശില്‍ രാഷ്ട്രപിതാവ് മഹാത്മാ ഗാന്ധിയുടെ പ്രതിമ തകർത്തു...

28 April, 2019 06:18:37 AM


മെയ് രണ്ടു മുതല്‍ ഒരേ സ്ഥലത്തേക്ക് ഒന്നിനു പിറകെ കെഎസ്‌ആര്‍ടിസി സര്‍വീസ് നടത്തില്ല



തൃശൂര്‍: സംസ്ഥാനത്ത് കെ.എസ്.ആര്‍ടി.സി ബസുകള്‍ക്ക് പുതിയ സമയക്രമം. ഇനി മുതല്‍ ഒരേ സ്ഥലത്തേക്ക് ഒന്നിനു പിറകെ കെഎസ്‌ആര്‍ടിസി സര്‍വീസ് നടത്തില്ല. ഒരേ റൂട്ടിലെ എല്ലാ സര്‍വീസുകളുടെയും സമയം ക്രമീകരിക്കാനാണ് നീക്കം. തൃശൂര്‍- എറണാകുളം - തിരുവനന്തപുരം റൂട്ടില്‍ മേയ് രണ്ടു മുതല്‍ ഇതു പരീക്ഷണാടിസ്ഥാനത്തില്‍ നടപ്പാക്കും. 15 മിനിറ്റില്‍ ഒരു സൂപ്പര്‍ ഫാസ്റ്റും 10 മിനിറ്റില്‍ ഒരു ഫാസ്റ്റും ഒരു മണിക്കൂര്‍ ഇടവിട്ട് എസി ബസും തൃശൂരില്‍നിന്നു പോകുന്ന തരത്തിലാണു പുതിയ ക്രമീകരണം.

യാത്രക്കാര്‍ ഇല്ലെങ്കിലും ഒരു സ്ഥലത്തേക്കു ഒന്നിലേറെ ബസുകള്‍ ഒരുമിച്ചു പോകുന്ന അവസ്ഥയില്‍ ഈ രീതി സാമ്പത്തിക ലാഭമുണ്ടാകുമെന്നു ജീവനക്കാര്‍ ചൂണ്ടിക്കാട്ടിയതിന്‍റെ അടിസ്ഥാനത്തിലാണു പുതിയ ക്രമീകരണം. ജീവനക്കാര്‍ക്കുതന്നെയാകും ഇതിന്‍റെ പഠന ചുമതല. തൃശൂരില്‍ നിന്നു തെക്കോട്ടുള്ള എല്ലാ സര്‍വീസുകളും ദിവസങ്ങള്‍ക്കുള്ളില്‍ ക്രമീകരിക്കും. ഇതു നിരീക്ഷിക്കാനായി മാത്രം ജീവനക്കാരനെ നിയോഗിക്കും. തല്‍ക്കാലം ഫോണ്‍വഴിയായിരിക്കും നിയന്ത്രണം. ഒരു മാസത്തെ നീരീക്ഷണത്തിനുശേഷം പരീക്ഷണം വിജയിച്ചു എന്നു ബോധ്യപ്പെട്ടാല്‍ സംസ്ഥാനത്ത് മുഴുവന്‍ നടപ്പാക്കാനാണ് തീരുമാനം.



Share this News Now:
  • Google+
Like(s): 159