Breaking News
പാലാരിവട്ടം പാലം പൊളിച്ച് പണിയുവാന്‍ ഇ ശ്രീധരനെ ചുമതലപ്പെടുത്തി... എറണാകുളം കാരിക്കോട് കാർ ലോറിയുമായി കൂട്ടിയിടിച്ച് ഒരു മരണം... കൊ​ളം​ബി​യ​യി​ൽ ചെ​റു​വി​മാ​നം ത​ക​ർ​ന്ന് ഏ​ഴ് പേ​ർ മരി​ച്ചു... മുണ്ടക്കയത്ത് സ്വകാര്യ ബസും കെ.എസ്.ആർ.ടി.സി ബസും കൂട്ടിയിടിച്ച് അൻപതോളം യാത്രക്കാർക്ക് പരിക്ക്... കോ​ട്ട​യം തു​രു​ത്തി മി​ഷ​ൻ പ​ള്ളി​ക്കു സ​മീ​പം കാ​ർ ടാ​ങ്ക​ർ ലോ​റി​യി​ൽ ഇ​ടി​ച്ച് ഒ​രാ​ൾ മ​രി​ച്ചു... കവിയും സാഹിത്യകാരനുമായ കിളിമാനൂര്‍ മധു അന്തരിച്ചു... ഏറ്റുമാനൂര്‍ വിജയ ബുക്ക് സ്റ്റാള്‍ ഉടമ കാണക്കാരി ഞാറത്തടത്തില്‍ എന്‍.എം.മത്തായി അന്തരിച്ചു... ഉത്തര്‍പ്രദേശില്‍ രാഷ്ട്രപിതാവ് മഹാത്മാ ഗാന്ധിയുടെ പ്രതിമ തകർത്തു...

18 April, 2019 10:53:52 PM


'സുരേഷ് ഗോപിയോടൊപ്പം ഒരു സായാഹ്നം'; വോട്ടഭ്യര്‍ത്ഥിച്ച് പ്രിയ വാര്യരും ബിജു മേനോനും



തൃശൂര്‍: തൃശൂരിലെ എന്‍ഡിഎ സ്ഥാനാര്‍ത്ഥി സുരേഷ് ഗോപിക്കു വേണ്ടി വോട്ടഭ്യര്‍ത്ഥിച്ച് ചലച്ചിത്ര താരം പ്രിയ വാര്യരും. തൃശൂര്‍ ലുലു കണ്‍വന്‍ഷന്‍ സെന്‍ററില്‍ നടന്ന 'സുരേഷ് ഗോപിയോടൊപ്പം ഒരു സായാഹ്നം' എന്ന പരിപാടിയില്‍ പങ്കെടുത്താണ് താരം സുരേഷ് ഗോപിക്ക് പിന്തുണ അറിയിച്ചത്. നടന്‍ ബിജു മേനോനും നിര്‍മ്മാതാവ് സുരേഷ് കുമാറുമടക്കം നിരവധി ചലച്ചിത്ര പ്രവര്‍ത്തകര്‍ സുരേഷ് ഗോപിക്ക് പിന്തുണയുമായി പരിപാടിയില്‍ എത്തി.

നേരത്തെ ശബരിമല സ്ത്രീ പ്രവേശന വിഷയത്തിലും ബിജെപി അനുകൂല നിലപാടുകളായിരുന്നു പ്രിയ വാര്യര്‍ സ്വീകരിച്ചിരുന്നത്. ശബരിമലയില്‍ പോകുന്ന സ്ത്രീകള്‍ക്ക്  41 ദിവസം ശുദ്ധിയോടെ ഇരിക്കാൻ കഴിയില്ലെന്നും ക്ഷേത്രത്തിലെ ആചാരങ്ങൾ ഏറെ വർഷങ്ങള്‍ പഴക്കമുള്ളതാണെന്നുമായിരുന്നു അന്ന് ഒരു അഭിമുഖത്തില്‍ താരം വ്യക്തമാക്കിയത്. ഇതിന് പിന്നാലെയാണ്  എന്‍ഡിഎ സ്ഥാനാര്‍ഥിക്ക് പിന്തുണയുമായി പ്രിയ പൊതു പരിപാടിയിലുമെത്തിയത്.  



Share this News Now:
  • Google+
Like(s): 286