24 March, 2019 05:47:15 PM
വടകരയിലും വയനാട്ടിലും സ്ഥാനാര്ത്ഥിയെ പ്രഖ്യാപിക്കാതെ കോണ്ഗ്രസിന്റെ ഒമ്പതാം സ്ഥാനാര്ത്ഥി പട്ടിക
രാഹുൽ മത്സരിക്കാൻ സാധ്യത കല്പിച്ചിരുന്ന മറ്റെല്ലാ മണ്ഡലങ്ങളിലും സ്ഥാനാർത്ഥിയായി
ദില്ലി: വടകരയിലും വയനാട്ടിലും സ്ഥാനാര്ത്ഥിയെ പ്രഖ്യാപിക്കാതെ കോണ്ഗ്രസിന്റെ ഒമ്പതാംഘട്ട സ്ഥാനാര്ത്ഥി പട്ടിക. ഇന്ന് പുറത്തിറക്കിയ സ്ഥാനാര്ത്ഥി പട്ടികയിലും വയനാട്ടിലേയും വടകരയിലേയും സ്ഥാനാര്ത്ഥികളെ പ്രഖ്യാപിച്ചിട്ടില്ല. രാഹുൽ മത്സരിക്കാൻ പരിഗണിച്ചിരുന്ന മറ്റ് മണ്ഡലങ്ങളായ ബംഗളുരു സൗത്തിലും ശിവഗംഗയിലും സ്ഥാനാര്ത്ഥികളെ പ്രഖ്യാപിച്ചു.
ശിവഗംഗയിൽ കാർത്തി ചിദംബരവും ബി കെ ഹരിപ്രസാദ് ബംഗളുരു സൗത്തിലും കോണ്ഗ്രസിന് വേണ്ടി മത്സരിക്കും. വയനാട്ടില് രാഹുല് ഗാന്ധി മത്സരിക്കുമെന്ന അഭ്യൂഹങ്ങളെ ചുറ്റിയുള്ള ചര്ച്ചകള് സജീവമാകുമ്പോഴാണ് വടകരയിലും വയനാട്ടിലും സ്ഥാനാര്ത്ഥികളെ പ്രഖ്യാപിക്കാതെ കോണ്ഗ്രസിന്റെ ഒമ്പതാം പട്ടിക പുറത്തിറങ്ങുന്നത്.