15 March, 2019 08:29:49 PM
ആന്ധ്രപ്രദേശിലും തെലുങ്കാനയിലും പവന് കല്യാണിന്റെ ജനസേനാ പാര്ട്ടിയുമായി കൈകോര്ത്ത് മായാവതി
ലക്നോ: ലോക്സഭാ തെരഞ്ഞെടുപ്പില് ആന്ധ്രപ്രദേശിലും തെലുങ്കാനയിലും പവന് കല്യാണിന്റെ ജനസേനാ പാര്ട്ടിയുമായി കൈകോര്ത്ത് ബിഎസ്പി നേതാവ് മായാവതി. ആന്ധ്ര നിയമസഭാ തെരഞ്ഞെടുപ്പിലും ഇരുപാര്ട്ടികളും സഖ്യമായി മത്സരിക്കാനും ധാരണയായി. മായാവതിയാണ് ബിഎസ്പി-ജെഎസ്പി സഖ്യം പ്രഖ്യാപിച്ചത്. ആന്ധ്രയിലെ ജനങ്ങള് മാറ്റം ആഗ്രഹിക്കുന്നു. പുതിയ സര്ക്കാര് അധികാരത്തില് വരണമെന്ന് ജനങ്ങളുടെ താത്പര്യമെന്നും മായാവതി പറഞ്ഞു. പവന് കല്യാണ് ആന്ധ്ര മുഖ്യമന്ത്രിയാകണമെന്നാണ് താന് ആഗ്രഹിക്കുന്നതെന്നും മായാവതി പറഞ്ഞു.