Breaking News
സിബിഐയിൽ കൂട്ട സ്ഥലംമാറ്റം; തീരുമാനം പുതിയ ഡയറക്ടറെ വ്യാഴാഴ്ച തെരഞ്ഞെടുക്കാനിരിക്കെ... വിരാട് കോഹ്ലി ഐസിസി ക്രിക്കറ്റര്‍ ഓഫ് ദ ഇയര്‍; കരസ്തമാക്കിയത് അപൂര്‍വ്വ നേട്ടം... ശബരിമല റിവ്യു ഹർജികൾ പരിഗണിക്കുന്ന തീയതി ഇതുവരെ തീരുമാനിച്ചിട്ടില്ലെന്ന് സുപ്രീം കോടതി... റഷ്യന്‍ കടലില്‍ കപ്പലുകള്‍ക്ക് തീപിടിച്ചു; ഇന്ത്യാക്കാരടക്കം 11 പേര്‍ മരിച്ചതായി സൂചന... ഏറ്റുമാനൂര്‍ കല്പന കോട്ടേജിൽ എസ്.രാമചന്ദ്രൻ നായർ അന്തരിച്ചു... സംസ്ഥാനത്ത് 53 പൊലീസ് സ്റ്റേഷനുകളില്‍ വിജിലന്‍സിന്‍റെ നേതൃത്വത്തില്‍ മിന്നല്‍ പരിശോധന... 25 വര്‍ഷത്തിന് ശേഷം ദേശീയ ജൂനിയര്‍ വനിതാ ഹോക്കി ചാമ്പ്യന്‍ഷിപ്പിന് കേരളം ആതിഥേയരാകുന്നു... നടിയെ ആക്രമിച്ച കേസ്; സത്യവാങ്മൂലത്തിന് മറുപടി നല്‍കാന്‍ സമയം വേണമെന്ന് ദിലീപ്... സംസ്ഥാനത്ത് ഇന്ധന വില കുതിച്ചുയരുന്നു; പെട്രോളിന് 74 ഉം ഡീസലിന് 70 ഉം കടന്നു... മെക‌്സിക്കോയിലെ ലാലിപാനിൽ ഇന്ധനക്കുഴൽ സ‌്ഫോടനത്തിൽ മരിച്ചവരുടെ എണ്ണം 89ആയി...

08 January, 2019 04:00:24 PM


ലഹരിമരുന്നിന് അടിമയായ മകന്‍ അമ്മയെ ആക്രമിച്ചു; ഹോം നഴ്‌സ് മകനെ കുത്തിക്കൊന്നു




കൊച്ചി: എറണാകുളം പാലാരിവട്ടത്ത് വയോധികയായ അമ്മയെ ആക്രമിക്കാന്‍ ശ്രമിച്ച മകനെ ഹോം നഴ്‌സ് കുത്തിക്കൊലപ്പെടുത്തി. പാലാരിവട്ടം കളവത്ത് റോഡില്‍ ചെല്ലിയംപുറം തോബിയാസി (35)നെയാണ് ഹോം നഴ്‌സ് ലോറന്‍സ് (52) കുത്തിക്കൊലപ്പെടുത്തിയത്. തോബിയാസ് ലഹരിമരുന്നിന് അടിമയാണെന്ന് പോലീസ് പറയുന്നു. പല തവണ കഞ്ചാവ് കേസിലും പെട്ടിട്ടുണ്ട്. ചൊവ്വാഴ്ച പുലര്‍ച്ചെ രണ്ടു മണിയോടെയാണ് സംഭവം. തോബിയാസ് അമ്മയുടെ കഴുത്തുഞെരിക്കുന്നത് കണ്ട ലോറന്‍സ് പിടിച്ചുമാറ്റാന്‍ ശ്രമിച്ചു. എന്നാല്‍ തോബിയാസ് ലോറന്‍സിനെയും ആക്രമിച്ചു. പിടിച്ചുമാറ്റാന്‍ കഴിയില്ലെന്ന് കണ്ടതോടെ കത്തിയെടുത്ത് കുത്തുകയായിരുന്നുവെന്ന് ലോറന്‍സ് മൊഴി നല്‍കി.


തൃശൂര്‍ സ്വദേശിയായ ലോറന്‍സ് ഒരു വര്‍ഷമായി ഇവിടെ അമ്മയെ ശുശ്രൂഷിച്ചുവരികയായിരുന്നു. കുത്തേറ്റ് കിടന്ന തോബിയാസ് രക്തം വാര്‍ന്നാണ് മരിച്ചത്. തോബിയാസിന് കുത്തേറ്റ വിവരം അമ്മ അറിയിച്ചതിനെ തുടര്‍ന്ന് ഇവരുടെ മകളാണ് പോലീസിനെ വിവരം വിളിച്ചറിയിച്ചത്. പോലീസ് എത്തുമ്പോഴേക്കും മരണം സംഭവിച്ചിരുന്നു. ഈ സമയം വീട്ടിലുണ്ടായിരുന്ന ലോറന്‍സിനെ പോലീസ് കസ്റ്റഡിയിലെടുത്തു. ലഹരിമരുന്നിന് അടിമപ്പെട്ട തോബിയാസ് മിക്കപ്പോഴും അമ്മയേയും തന്നെയും ആക്രമിക്കാറുണ്ടെന്ന് ലോറന്‍സ് മൊഴി നല്‍കിയതായി പോലീസ് പറയുന്നു. അവിവാഹിതനാണ് കൊല്ലപ്പെട്ട തോബിയാസ്.



Share this News Now:
  • Google+
Like(s): 199