Breaking News
സിബിഐയിൽ കൂട്ട സ്ഥലംമാറ്റം; തീരുമാനം പുതിയ ഡയറക്ടറെ വ്യാഴാഴ്ച തെരഞ്ഞെടുക്കാനിരിക്കെ... വിരാട് കോഹ്ലി ഐസിസി ക്രിക്കറ്റര്‍ ഓഫ് ദ ഇയര്‍; കരസ്തമാക്കിയത് അപൂര്‍വ്വ നേട്ടം... ശബരിമല റിവ്യു ഹർജികൾ പരിഗണിക്കുന്ന തീയതി ഇതുവരെ തീരുമാനിച്ചിട്ടില്ലെന്ന് സുപ്രീം കോടതി... റഷ്യന്‍ കടലില്‍ കപ്പലുകള്‍ക്ക് തീപിടിച്ചു; ഇന്ത്യാക്കാരടക്കം 11 പേര്‍ മരിച്ചതായി സൂചന... ഏറ്റുമാനൂര്‍ കല്പന കോട്ടേജിൽ എസ്.രാമചന്ദ്രൻ നായർ അന്തരിച്ചു... സംസ്ഥാനത്ത് 53 പൊലീസ് സ്റ്റേഷനുകളില്‍ വിജിലന്‍സിന്‍റെ നേതൃത്വത്തില്‍ മിന്നല്‍ പരിശോധന... 25 വര്‍ഷത്തിന് ശേഷം ദേശീയ ജൂനിയര്‍ വനിതാ ഹോക്കി ചാമ്പ്യന്‍ഷിപ്പിന് കേരളം ആതിഥേയരാകുന്നു... നടിയെ ആക്രമിച്ച കേസ്; സത്യവാങ്മൂലത്തിന് മറുപടി നല്‍കാന്‍ സമയം വേണമെന്ന് ദിലീപ്... സംസ്ഥാനത്ത് ഇന്ധന വില കുതിച്ചുയരുന്നു; പെട്രോളിന് 74 ഉം ഡീസലിന് 70 ഉം കടന്നു... മെക‌്സിക്കോയിലെ ലാലിപാനിൽ ഇന്ധനക്കുഴൽ സ‌്ഫോടനത്തിൽ മരിച്ചവരുടെ എണ്ണം 89ആയി...

06 January, 2019 09:32:37 AM


പയ്യന്നൂരിൽ ഇലക്ട്രിക്കൽ ഷോപ്പിൽ വൻ തീപിടുത്തം ലക്ഷങ്ങളുടെ നാശനഷ്ടം




പയ്യന്നൂർ: ദേശീയ പാതയിൽ പെരുമ്പയിൽ പ്രവർത്തിക്കുന്ന ഇലക്ട്രിക്കൽ ഷോപ്പിൽ വൻ തീപിടുത്തം. ഇന്ന് രാവിലെ 7.15 ഓടെയാണ് സംഭവം. പെരുമ്പയിൽ പ്രവർത്തിക്കുന്ന സോണ ലൈറ്റ്സ് ഇലക്ട്രിക്കൽ ഉപകരണ ഷോറൂമിലാണ് തീപിടുത്തമുണ്ടായത്. മുകളിലത്തെ നിലയിൽ നിന്ന് തീയും പുകയും ഉയരുന്നത് കണ്ട് വാഹനയാത്രക്കാരാണ് പോലീസിലും ഫയർഫോഴ്സിലും വിവരമറിയിച്ചത്. പഴയങ്ങാടി മുട്ടം സ്വദേശിയും പെരുമ്പയിൽ താമസക്കാരനുമായ മൊയ്നുദ്ദീന്റെ ഉടമസ്ഥതയിലുള്ള വ്യാപാര സ്ഥാപനമാണ് കത്തി നശിച്ചത്.


വിവരമറിഞ്ഞ് സ്ഥലത്തെത്തിയ അസിസ്റ്റന്റ് ഫയർസ്റ്റേഷൻ ഓഫീസർ ഗോകുൽദാസിന്റെ നേതൃത്വത്തിലുള്ള അഗ്നി രക്ഷാ സേന മൂന്ന് യൂണിറ്റ് ഫയർഎഞ്ചിനുകൾ എത്തിച്ച് തീ അണച്ചു. പയ്യന്നൂർ പോലീസും സ്ഥലത്തെത്തിയിരുന്നു കട പൂർണ്ണമായും കത്തിനശിച്ചു. വൈദ്യുതി ഷോർട്ട് സർക്യൂട്ടാണ് തീപിടുത്തത്തിന് കാരണമെന്നാണ് പ്രാഥമിക നിഗമനം ഇരുനിലകളിലായി പ്രവർത്തിച്ചു വരുന്ന സ്ഥാപനം പൂർണ്ണമായും കത്തിനശിച്ചു. അര.കോടി രൂപയുടെ നാശനഷ്ടമുണ്ടായതായി കണക്കാക്കുന്നു.



Share this News Now:
  • Google+
Like(s): 39