Breaking News
സിബിഐയിൽ കൂട്ട സ്ഥലംമാറ്റം; തീരുമാനം പുതിയ ഡയറക്ടറെ വ്യാഴാഴ്ച തെരഞ്ഞെടുക്കാനിരിക്കെ... വിരാട് കോഹ്ലി ഐസിസി ക്രിക്കറ്റര്‍ ഓഫ് ദ ഇയര്‍; കരസ്തമാക്കിയത് അപൂര്‍വ്വ നേട്ടം... ശബരിമല റിവ്യു ഹർജികൾ പരിഗണിക്കുന്ന തീയതി ഇതുവരെ തീരുമാനിച്ചിട്ടില്ലെന്ന് സുപ്രീം കോടതി... റഷ്യന്‍ കടലില്‍ കപ്പലുകള്‍ക്ക് തീപിടിച്ചു; ഇന്ത്യാക്കാരടക്കം 11 പേര്‍ മരിച്ചതായി സൂചന... ഏറ്റുമാനൂര്‍ കല്പന കോട്ടേജിൽ എസ്.രാമചന്ദ്രൻ നായർ അന്തരിച്ചു... സംസ്ഥാനത്ത് 53 പൊലീസ് സ്റ്റേഷനുകളില്‍ വിജിലന്‍സിന്‍റെ നേതൃത്വത്തില്‍ മിന്നല്‍ പരിശോധന... 25 വര്‍ഷത്തിന് ശേഷം ദേശീയ ജൂനിയര്‍ വനിതാ ഹോക്കി ചാമ്പ്യന്‍ഷിപ്പിന് കേരളം ആതിഥേയരാകുന്നു... നടിയെ ആക്രമിച്ച കേസ്; സത്യവാങ്മൂലത്തിന് മറുപടി നല്‍കാന്‍ സമയം വേണമെന്ന് ദിലീപ്... സംസ്ഥാനത്ത് ഇന്ധന വില കുതിച്ചുയരുന്നു; പെട്രോളിന് 74 ഉം ഡീസലിന് 70 ഉം കടന്നു... മെക‌്സിക്കോയിലെ ലാലിപാനിൽ ഇന്ധനക്കുഴൽ സ‌്ഫോടനത്തിൽ മരിച്ചവരുടെ എണ്ണം 89ആയി...

16 December, 2018 03:56:39 PM


ബ്യൂട്ടി പാര്‍ലറിലുണ്ടായ വെടിവെയ്പ്പില്‍ അധോലോക തലവന്‍ രവി പൂജാരിയ്ക്ക് പങ്കെന്ന് നടി ലീന മരിയ പോള്‍



കൊച്ചി: കൊച്ചിയിലെ ബ്യൂട്ടിസലൂണിലുണ്ടായ വെടിവെയ്പ്പില്‍ അധോലോക തലവന്‍ രവി പൂജാരിയുടെ പങ്ക് സംശയിക്കുന്നുവെന്ന് ഉടമ നടി ലീന മരിയ പോള്‍. രവി പൂജാരിയുടെ പേരില്‍ 25 കോടി രൂപ ആവശ്യപ്പെട്ട് ലീന പോളിന് ഭീഷണി സന്ദേശം ലഭിച്ചിരുന്നു. രവി പൂജാരിയുടേതെന്ന പേരില്‍ നാലു തവണ ഭീഷണിപ്പെടുത്തിയെന്ന് ലീന പോള്‍ വ്യക്തമാക്കി.


25 കോടി രൂപ നല്‍കണമെന്നായിരുന്നു ഭീഷണി സന്ദേശം. പണം കൈമാറിയില്ലെങ്കില്‍ കൊല്ലുമെന്നും അധോലോക സംഘം ഭീഷണിപ്പെടുത്തി. ഇതിന്റെ തുടര്‍ച്ചയായിട്ടാകാം ബ്യൂട്ടി സലൂണ്‍ ആക്രമണമെന്ന് സംശയിക്കുന്നതായും ലീന പോള്‍ പറയുന്നു. ഭീഷണിയെക്കുറിച്ച് പോലീസിനെ അറിയിച്ചിരുന്നുവെങ്കിലും പരാതി നല്‍കിയിരുന്നില്ലെന്നും, നാളെ പരാതി നല്‍കുമെന്നും നടി പറഞ്ഞു.


അതേസമയം ആഢംബര ബ്യൂട്ടിപാര്‍ലറിലുണ്ടായ വെടിവെയ്പ്പില്‍ അന്വേഷണം ക്വട്ടേഷന്‍ സംഘങ്ങളെ കേന്ദ്രീകരിച്ച് നീങ്ങുകയാണ്. സംഭവത്തില്‍ നടി ലീന മരിയ പോളിന്റെ മൊഴി പോലീസ് ഉടന്‍ രേഖപ്പെടുത്തും. നിലവില്‍ ഹൈദരാബാദിലുള്ള ലീന പോളിനോട് കൊച്ചിയിലെത്താന്‍ പോലീസ് നിര്‍ദേശിച്ചിട്ടുണ്ട്. ഇന്നലെ വൈകിട്ടുണ്ടായ സംഭവത്തില്‍ ഇതുവരെ പോലീസിന് വ്യക്തമായ വിവരം ലഭിച്ചിട്ടില്ലെന്നാണ് സൂചന. ബ്യൂട്ടിപാര്‍ലര്‍ ഉടമയായ നടി ലീന പോളിന് ലഭിച്ച ഭീഷണി സന്ദേശങ്ങളുടെ ചുവടുപിടിച്ചാണ് പോലീസ് അന്വേഷണം മുന്നോട്ടു പോകുന്നത്. എന്നാല്‍ നഗരത്തിലെ ക്വട്ടേഷന്‍ സംഘങ്ങളും സംശയത്തിന്റെ നിഴലിലാണ്.


ലീനയുമായി സാമ്പത്തിക ഇടപാടുകള്‍ നടത്തുന്നവരെയും അടുത്തിടെ നടിയുമായി വ്യക്തിപരമായ പ്രശ്‌നങ്ങള്‍ ഉണ്ടായവരെയും കുറിച്ചുള്ള വിവരങ്ങള്‍ പോലീസ് തേടുന്നുണ്ട്. ലീനയുമായി ശത്രുതയുള്ളവര്‍ ക്വട്ടേഷന്‍ സംഘങ്ങളെ മുന്‍നിര്‍ത്തി ഉണ്ടായ അക്രമമാകാം എന്ന് പോലീസ് സംശയിക്കുന്നുണ്ട്. ഈ സാഹചര്യത്തിലാണ് നഗരത്തിലെ ക്രിമിനല്‍ കേസ് പ്രതികളെ കേന്ദ്രീകരിച്ചും അന്വേഷണം മുന്നോട്ടു നീക്കുന്നത്. സാമ്പത്തിക തട്ടിപ്പുകളടക്കം ഒട്ടേറെ ക്രിമിനല്‍ കേസുകളില്‍ പ്രതിയായിട്ടുള്ള ലീന മരിയ പോളിന്റെ അധോലോക ബന്ധങ്ങളെക്കുറിച്ചുമുള്ള പ്രാഥമിക വിവര ശേഖരണവും പോലീസ് തുടങ്ങിയിട്ടുണ്ട്. കൊച്ചി ഡിസിപിയുടെ നേതൃത്വത്തിലാണ് കേസിന്റെ അന്വേഷണം പുരോഗമിക്കുന്നത്



Share this News Now:
  • Google+
Like(s): 155