Breaking News
സിബിഐയിൽ കൂട്ട സ്ഥലംമാറ്റം; തീരുമാനം പുതിയ ഡയറക്ടറെ വ്യാഴാഴ്ച തെരഞ്ഞെടുക്കാനിരിക്കെ... വിരാട് കോഹ്ലി ഐസിസി ക്രിക്കറ്റര്‍ ഓഫ് ദ ഇയര്‍; കരസ്തമാക്കിയത് അപൂര്‍വ്വ നേട്ടം... ശബരിമല റിവ്യു ഹർജികൾ പരിഗണിക്കുന്ന തീയതി ഇതുവരെ തീരുമാനിച്ചിട്ടില്ലെന്ന് സുപ്രീം കോടതി... റഷ്യന്‍ കടലില്‍ കപ്പലുകള്‍ക്ക് തീപിടിച്ചു; ഇന്ത്യാക്കാരടക്കം 11 പേര്‍ മരിച്ചതായി സൂചന... ഏറ്റുമാനൂര്‍ കല്പന കോട്ടേജിൽ എസ്.രാമചന്ദ്രൻ നായർ അന്തരിച്ചു... സംസ്ഥാനത്ത് 53 പൊലീസ് സ്റ്റേഷനുകളില്‍ വിജിലന്‍സിന്‍റെ നേതൃത്വത്തില്‍ മിന്നല്‍ പരിശോധന... 25 വര്‍ഷത്തിന് ശേഷം ദേശീയ ജൂനിയര്‍ വനിതാ ഹോക്കി ചാമ്പ്യന്‍ഷിപ്പിന് കേരളം ആതിഥേയരാകുന്നു... നടിയെ ആക്രമിച്ച കേസ്; സത്യവാങ്മൂലത്തിന് മറുപടി നല്‍കാന്‍ സമയം വേണമെന്ന് ദിലീപ്... സംസ്ഥാനത്ത് ഇന്ധന വില കുതിച്ചുയരുന്നു; പെട്രോളിന് 74 ഉം ഡീസലിന് 70 ഉം കടന്നു... മെക‌്സിക്കോയിലെ ലാലിപാനിൽ ഇന്ധനക്കുഴൽ സ‌്ഫോടനത്തിൽ മരിച്ചവരുടെ എണ്ണം 89ആയി...

07 December, 2018 06:58:20 PM


ചര്‍ച്ച പരാജയം: കൊച്ചിയിലെ ഓൺലൈൻ ടാക്സി ഡ്രൈവർമാരുടെ പണിമുടക്ക് സമരം തുടരും



കൊച്ചി: വിവിധ ആവശ്യങ്ങള്‍ ഉന്നയിച്ച് കൊച്ചിയിലെ ഓണ്‍ലൈന്‍ ടാക്സി ഡ്രൈവര്‍മാര്‍ നടത്തുന്ന പണിമുടക്ക് തുടരും. ലേബര്‍ കമ്മീഷണറുമായുള്ള ചര്‍ച്ചയില്‍ തീരുമാനമാകാതെ വന്നതോടെയാണ് പണിമുടക്ക് തുടരുമെന്ന് തൊഴിലാളി നേതാക്കള്‍ അറിയിച്ചത്. അതേസമയം സംസ്ഥാനത്തെ മോട്ടോർ വാഹന നിയമത്തിന്റെ കീഴിൽ വരാത്തതിനാൽ പ്രശ്നത്തിൽ ഇടപെടാൻ സർക്കാരിന് പരിമിതികളുണ്ടെന്ന് ഗതാഗത മന്ത്രി എകെ ശശീന്ദ്രൻ പ്രതികരിച്ചു.


വേതന വർധനവ് നടപ്പാക്കുക, കമ്മീഷൻ നിരക്ക് കുറയ്ക്കുക തുടങ്ങിയ ആവശ്യങ്ങളുന്നയിച്ച് നടത്തുന്ന പ്രതിഷേധങ്ങൾക്കെതിരെ ഓൺലൈൻ കമ്പനികൾ മുഖം തിരിച്ചതോടെ ഇന്നലെ രാത്രി മുതലാണ് ഓൺലൈൻ ടാക്സി യൂണിയനുകൾ പണിമുടക്ക് തുടങ്ങിയത്. സമരത്തിൽ കൊച്ചിയിലെ നാലായിരത്തിലധികം ഓൺലൈൻ ടാക്സികൾ പങ്കെടുക്കുന്നുണ്ടെന്നാണ് യൂണിയനുകളുടെ അവകാശവാദം.


പണിമുടക്കിനെ തുടർന്ന് ജില്ല ലേബർ കമ്മീഷൻ തൊഴിലാളികളെ ചർച്ചയ്ക്ക് വിളിച്ചെങ്കിലും ഓൺലൈൻ ടാക്സി കമ്പനി പ്രതിനിധികൾ പങ്കെടുത്തില്ല. തുടർന്നാണ് സംസ്ഥാന ലേബർ കമ്മീഷന് തൊഴിലാളി യൂണികളുമായി ചർച്ച നടത്തുമെന്ന തീരുമാനം എത്തിയത്. വെള്ളിയാഴ്ച കൊച്ചിയിലാണ് ചർച്ച. സംസ്ഥാന മോട്ടോർ വാഹനനിയമത്തിന്റെ കീഴിൽ തന്നെ ഓൺലൈൻ ടാക്സി കമ്പനികളും രജിസ്റ്റർ ചെയ്ത്  പ്രവർത്തനം  തുടങ്ങണമെന്നാണ് തൊഴിലാളികളുടെ ആവശ്യം. ഇത് വഴി വേതന വർധന അടക്കമുള്ള തൊഴിലാളി അനുകൂല നടപടികൾ ഉണ്ടാകുമെന്നാണ് പ്രതീക്ഷ.


വിദേശ കമ്പനികളുടെ നിയന്ത്രണത്തിലുള്ള  ഓൺലൈൻ ടാക്സികളുടെ പ്രശ്നത്തിൽ ഇടപെടാൻ സംസ്ഥാന സർക്കാറിന് പരിമിതികളുണ്ടെന്നാണ് ഗതാഗത മന്ത്രിയുടെ വാദം. സംസ്ഥാനത്ത് തന്നെ രജിസ്റ്റർ ചെയ്യാൻ ഓൺലൈൻ ടാക്സി കമ്പനികൾ തയ്യാറാകുമോ എന്നതാണ് ഇനി അറിയേണ്ടത്. വെള്ളിയാഴ്ചത്തെ ചർച്ചയിൽ ഈ വിഷയമാകും പ്രധാന അജണ്ട.



Share this News Now:
  • Google+
Like(s): 138