11 November, 2018 11:24:58 AM


കോഴിക്കോട് മുക്കം സഹകരണ ബാങ്ക് തിരഞ്ഞെടുപ്പിനിടെ എല്‍ഡിഎഫ് - യുഡിഎഫ് സംഘർഷം

സംഘര്‍ഷം കള്ളവോട്ട് ചെയ്യാനുള്ള ശ്രമം നടക്കുന്നെന്ന ആരോപണത്തെതുടര്‍ന്ന്; പോലീസ് ലാത്തിവീശി



കോഴിക്കോട്: കോഴിക്കോട് മുക്കം സഹകരണ ബാങ്ക് തിരഞ്ഞെടുപ്പിനിടെ എല്‍ഡിഎഫ് - യുഡിഎഫ്  പ്രവർത്തകർ തമ്മില്‍ സംഘർഷം. രാവിലെ എട്ടുമണിയോടെ ആരംഭിച്ച തെരഞ്ഞെടുപ്പ് പ്രക്രിയകള്‍ക്കിടെ കള്ളവോട്ട് ചെയ്യാനുള്ള ശ്രമം നടക്കുന്നെന്ന് എല്‍ഡിഎഫ് - യുഡിഎഫ് പ്രവര്‍ത്തകര്‍ പരസ്പരം ആരോപിക്കുകയായിരുന്നു. വാക്കേറ്റം സംഘര്‍ഷത്തിലേക്ക് എത്തിയതോടെ പൊലീസ് ലാത്തി വീശി.

മുപ്പത് വര്‍ഷമായി യുഡിഎഫാണ് കോഴിക്കോട്ടെ മുക്കം സഹകരണ ബാങ്ക് ഭരിക്കുന്നത്. ഇന്ന് വൈകിട്ട് അഞ്ചുമണി വരെയാണ് തെരഞ്ഞടുപ്പ് നടക്കുക. തെരഞ്ഞെടുപ്പ് ഫലം ഇന്ന് തന്നെ പ്രഖ്യാപിക്കുമെന്ന് പറഞ്ഞിരുന്നെങ്കിലും സംഘര്‍ഷ സാധ്യത കണക്കിലെടുത്ത് ഫലം പ്രഖ്യാപിക്കുമോ എന്ന കാര്യത്തില്‍ വ്യക്തതയില്ല. സംഘർഷത്തിന്‍റെ പശ്ചാത്തലത്തിൽ വൻ പൊലീസ് സംഘം സ്ഥലത്തുണ്ട്.



Share this News Now:
  • Google+
Like(s): 267