Breaking News
എറണാകുളം ജില്ലക്ക് മേല്‍ ന്യൂനമര്‍ദ്ദം: അതിശക്തമായ കാറ്റിനും മഴയ്ക്കും സാധ്യത; ജാഗ്രതാ നിര്‍ദ്ദേശം... ഹിന്ദു ഐക്യവേദി നേതാക്കളായ കെ.പി.ശശികലയും ഭാര്‍ഗവറാമും പൃഥിപാലും കസ്റ്റഡിയില്‍... ശനിയാഴ്ച ഹർത്താൽ... രഹ്ന ഫാത്തിമയുടെ മുൻകൂർ ജാമ്യാപേക്ഷ തള്ളി... തമിഴ്‌നാട്ടില്‍ നാശം വിതച്ച്‌ ഗജ ചുഴലിക്കാറ്റ്: ആറ് മരണം... ഗജ ചുഴലിക്കാറ്റ് ; കേരളത്തില്‍ മൂന്ന് ജില്ലകളില്‍ ഓറഞ്ച് അലര്‍ട്ട്, ആറ് ജില്ലകളില്‍ യെല്ലോ അലര്‍ട്ട്... കെഎസ്ആര്‍ടിസി നിലയ്ക്കല്‍ - പമ്പ ചെയിന്‍ സര്‍വീസും സെല്‍ഫ് ടിക്കറ്റിംഗ് കിയോസ്‌കും വെള്ളിയാഴ്ച ആരംഭിക്കും... തിരുവനന്തപുരം കണിയപുരത്ത് നിയന്ത്രണം വിട്ട കാർ ഇടിച്ച് രണ്ട് പേര്‍ മരിച്ചു... ഏഴ് ദിവസത്തേക്ക് ശബരിമലയില്‍ നിരോധനാജ്ഞ... ശബരിമല പ്രശ്നത്തിൽ സമവായമുണ്ടാക്കാൻ സർക്കാർ വിളിച്ച സർവകക്ഷിയോഗം പാളി... ഗജ ചുഴലിക്കാറ്റ് വൈകിട്ടോടെ തീരം തൊടും: കേരളത്തിൽ ശക്തമായ മഴയ്ക്ക് സാധ്യത...

07 November, 2018 02:20:52 PM


അയോധ്യയില്‍ ഉടന്‍‍ ക്ഷേത്ര നിർമ്മാണം നടത്തുമെന്നും, കൂറ്റന്‍ ശ്രീരാമപ്രതിമ നിർമിക്കുമെന്നും യോഗി ആദിത്യനാഥ്

രാമപ്രതിമ അയോധ്യയിൽ പണിയുമെന്നും മുഖ്യമന്ത്രി പ്രഖ്യാപിച്ചു



ദില്ലി: അയോധ്യയിൽ രാമപ്രതിമ നിർമ്മിക്കുമെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. രണ്ട് സ്ഥലങ്ങൾ ഇതിനായി പരിശോധിച്ചു. ഭരണഘടനാ തത്വങ്ങൾ പാലിച്ച് ക്ഷേത്ര നിർമ്മാണം നടത്തുമെന്നും യോഗി ആദിത്യനാഥ് പറഞ്ഞു.


പൂജാ വിഗ്രഹം അമ്പലത്തിൽ സ്ഥാപിക്കും. എല്ലാവർക്കും കാണാനുള്ള ഒരു പ്രതിമയ്ക്കും വ്യവസ്ഥ ചെയ്യും. രാമപ്രതിമ അയോധ്യയിൽ പണിയുമെന്നും മുഖ്യമന്ത്രി പ്രഖ്യാപിച്ചു. നിയമസഭാ തെരഞ്ഞെടുപ്പുകളിൽ ഹിന്ദു ഏകീകരണത്തിനുള്ള ബിജെപി ശ്രമത്തിന്‍റെ ഭാഗം കൂടിയാണ് അയോധ്യയിലെ നീക്കങ്ങൾ. ഫൈസാബാദി ജില്ലയുടെ പേര് അയോധ്യയെന്നാക്കുന്നു. ദശരഥന്‍റെ പേരിൽ മെഡിക്കൽ കോളേജും. ശ്രീരാമന്‍റെ പേരിൽ വിമാനത്താവളവും. ഒരു പടികൂടി കടന്നാണ് ഉത്തരേന്ത്യയിൽ ദീപാവലി ദിനത്തിൽ ക്ഷേത്രനിർമ്മാണം നടക്കും എന്ന പ്രഖ്യാപനവും യോഗി നടത്തുന്നത്. എന്നാൽ നിയമം ഉണ്ടാകുമോ, ഒത്തുതീർപ്പിനു ശ്രമിക്കുമോ, കോടതിവിധിക്ക് കാത്തിരിക്കുമോ എന്നൊന്നും യുപി മുഖ്യമന്ത്രി വിശദീകരിച്ചില്ല. 


ഭരണഘടനയ്ക്ക് അനുസൃതമായിട്ടാവും നിർമ്മാണം എന്ന് ഉറപ്പ് പറയുന്നു. കൂറ്റൻ രാമപ്രതിമ നിർമ്മിക്കുന്നതിന് രണ്ട് സ്ഥലങ്ങൾ പരിശോധിക്കുകയാണെന്നും യോഗി ആദിത്യനാഥ് അറിയിച്ചു. ഈ മാസം ഇരുപത്തിയഞ്ചിന് അയോധ്യയിൽ സമ്മേളനം നടത്തുമെന്ന് പ്രഖ്യാപിച്ചിരിക്കുന്ന സന്ന്യാസിമാരെ അനുനയിപ്പിക്കാനാണ് ഈ പ്രഖ്യാപനങ്ങൾ. വിശ്വഹിന്ദു പരിഷത്ത് എല്ലാ ലോകസഭാ സീറ്റിലും ക്ഷേത്ര നിർമ്മാണത്തിന് പിന്തുണ തേടി യോഗങ്ങൾ നിശ്ചയിച്ചിട്ടുണ്ട്. നിയമസഭാ തെരഞ്ഞെടുപ്പ് നടക്കുന്ന രാജസ്ഥാനിലും മധ്യപ്രദേശിലും ഭരണവിരുദ്ധ വികാരം ബിജെപി നേരിടുന്നു. ഹിന്ദു ഏകീകരണത്തിലൂടെയേ ഇത് മറികടക്കാൻ കഴിയൂ എന്നാണ് വിലയിരുത്തൽ. അയോധ്യ വീണ്ടും ശ്രദ്ധാകേന്ദ്രമാകുമ്പോൾ നിയസഭാ തെരഞ്ഞെടുപ്പുകളിലും ഇതിന്‍റെ പ്രകമ്പനം ഉണ്ടാകുമെന്ന പ്രതീക്ഷയിലാണ് ബിജെപി.



Share this News Now:
  • Google+
Like(s): 37