03 November, 2018 11:49:14 AM


വിദേശ വിനോദസഞ്ചാരി തീര്‍ത്ഥാടന കേന്ദ്രത്തിന് സമീപം തൂങ്ങിമരിച്ച നിലയില്‍

ബോധഗയയിലെ ഒരു കാട്ടിനുള്ളില്‍ മരരത്തില്‍ തൂങ്ങിയ നിലയിലായിരുന്നു മൃതദേഹം കണ്ടത്



ഗയ: വിനോദ സഞ്ചാരിയെ മരത്തില്‍ തൂങ്ങിമരിച്ച നിലയില്‍ കണ്ടെത്തി. ബുദ്ധ തീര്‍ത്ഥാടന കേന്ദ്രമായ ഗയയിലാണ് സംഭവം. ബോധഗയയിലെ ഒരു കാട്ടിനുള്ളില്‍ മരരത്തില്‍ തൂങ്ങിയ നിലയിലായിരുന്നു മൃതദേഹം കണ്ടത്. മരിച്ചയാള്‍ ഓസ്ട്രേലിയന്‍ സ്വദേശിയെന്നാണ് സൂചന. അഴുകിയ നിലയിലാണ് മൃതദേഹം കണ്ടെത്തിയത്.


വിദേശത്ത് നിന്നുള്ള നിരവധി സഞ്ചാരികളാണ് ബോധഗയ സന്ദര്‍ശിക്കാനെത്തുന്നത്. രാവിലെ കാടിന് സമീപത്തു കൂടി കടന്നു പോയ ചില നാട്ടുകാരാണ് മൃതദേഹം കണ്ടെത്തിയത്. മൃതദേഹത്തിന് സമീപം വെള്ളക്കുപ്പിയും ബാഗും ഡയറിയും കണ്ടെത്തിയെന്ന് പൊലീസ് വിശദമാക്കി.  ഡയറിയില്‍ നിന്നുള്ള ചില ഫോണ്‍ നമ്പറുകളെ അടിസ്ഥാനമാക്കിയാണ് മരിച്ചയാള്‍ ഓസ്ട്രേലിയക്കാരനാണോയെന്ന് സംശയിക്കുന്നതെന്ന് പൊലീസ് വ്യക്തമാക്കി. 
 



Share this News Now:
  • Google+
Like(s): 34