Breaking News
എറണാകുളം ജില്ലക്ക് മേല്‍ ന്യൂനമര്‍ദ്ദം: അതിശക്തമായ കാറ്റിനും മഴയ്ക്കും സാധ്യത; ജാഗ്രതാ നിര്‍ദ്ദേശം... ഹിന്ദു ഐക്യവേദി നേതാക്കളായ കെ.പി.ശശികലയും ഭാര്‍ഗവറാമും പൃഥിപാലും കസ്റ്റഡിയില്‍... ശനിയാഴ്ച ഹർത്താൽ... രഹ്ന ഫാത്തിമയുടെ മുൻകൂർ ജാമ്യാപേക്ഷ തള്ളി... തമിഴ്‌നാട്ടില്‍ നാശം വിതച്ച്‌ ഗജ ചുഴലിക്കാറ്റ്: ആറ് മരണം... ഗജ ചുഴലിക്കാറ്റ് ; കേരളത്തില്‍ മൂന്ന് ജില്ലകളില്‍ ഓറഞ്ച് അലര്‍ട്ട്, ആറ് ജില്ലകളില്‍ യെല്ലോ അലര്‍ട്ട്... കെഎസ്ആര്‍ടിസി നിലയ്ക്കല്‍ - പമ്പ ചെയിന്‍ സര്‍വീസും സെല്‍ഫ് ടിക്കറ്റിംഗ് കിയോസ്‌കും വെള്ളിയാഴ്ച ആരംഭിക്കും... തിരുവനന്തപുരം കണിയപുരത്ത് നിയന്ത്രണം വിട്ട കാർ ഇടിച്ച് രണ്ട് പേര്‍ മരിച്ചു... ഏഴ് ദിവസത്തേക്ക് ശബരിമലയില്‍ നിരോധനാജ്ഞ... ശബരിമല പ്രശ്നത്തിൽ സമവായമുണ്ടാക്കാൻ സർക്കാർ വിളിച്ച സർവകക്ഷിയോഗം പാളി... ഗജ ചുഴലിക്കാറ്റ് വൈകിട്ടോടെ തീരം തൊടും: കേരളത്തിൽ ശക്തമായ മഴയ്ക്ക് സാധ്യത...

01 November, 2018 11:42:00 AM


കരിഞ്ചോലമലയിലെ ഉരുൾപൊട്ടലിന് കാരണം അനധികൃത നിർമ്മാണം

അനധികൃത തടയണയുടെ അവശിഷ്ടങ്ങൾ കണ്ടെത്താനായില്ലെന്ന് പറയുന്ന റിപ്പോ‍ർട്ടിൽ ആർക്കെതിരെയും നടപടിക്ക് ശുപാർശ ഇല്ല



കോഴിക്കോട്: 14 പേരുടെ മരണത്തിന് ഇടയാക്കിയ കോഴിക്കോട് കരിഞ്ചോലമലയിലെ ഉരുൾപൊട്ടലിന് കാരണം അനധികൃത നിർമ്മാണപ്രവർത്തികളെന്ന് അന്വേഷണസമിതിയുടെ അന്തിമറിപ്പോർട്ട്.മലമുകളിൽ അനധികൃത തടയണയുടെ അവശിഷ്ടങ്ങൾ കണ്ടെത്താനായില്ലെന്ന് പറയുന്ന റിപ്പോ‍ർട്ടിൽ ആർക്കെതിരെയും നടപടിക്ക് ശുപാർശ ഇല്ല.


ശക്തമായ മഴ,പാറകളുടെ ബലക്ഷയം,പാറകൾക്കിടയിലെ കളിമണ്ണിന്‍റെ സാന്നിധ്യം എന്നിവയ്ക്കൊപ്പം അനധികൃത നിർമ്മാണപ്രവർത്തികൾകൂടിയായപ്പോൾ ദുരന്തം ഇരട്ടിയായി.കുന്നിൻചരിവിൽ റോഡ് നിർമ്മാണം,അശാസ്ത്രീയമായ ഭൂനവീകരണം,സ്വാഭാവിക നീരൊഴുക്ക് തടസ്സപ്പെടുത്തൽ എന്നിവയാണ് കരിഞ്ചോലമലയിൽ നടന്നത്.മലമുകളിൽ അനധികൃത തടയണ ഉണ്ടായിരുന്നോ എന്ന് വ്യക്തമാവാൻ ഉരുൾപൊട്ടലിന് മുന്‍പുള്ള സാറ്റലൈറ്റ് ചിത്രങ്ങൾ പരിശോധിക്കണമെന്ന് അന്വേഷണസമിതി ശുപാർശചെയ്യുന്നുണ്ട്.


ഭൂഉടമയുടെ മൊഴിയും റിപ്പോർട്ടിലുണ്ട്.നിർമ്മാണപ്രവർത്തികൾക്ക് അനുമതിയുടെ ആവശ്യം ഇല്ലെന്ന് പഞ്ചായത്ത് സെക്രട്ടറി പറഞ്ഞുവെന്നാണ്  മൊഴി.നിർമ്മാണപ്രവർത്തികൾക്ക് യന്ത്രങ്ങൾ ഉപയോഗിച്ചുവെന്നും മലമുകളിൽ നിന്ന് മരങ്ങൾ മുറിച്ചുമാറ്റിയെന്നും സമിതി കണ്ടെത്തി. എന്നാൽ റിപ്പോർട്ടിൽ ആർക്കെതിരെയും നടപടിക്ക് ശുപാർശ ഇല്ല.


വിദഗ്ദ ഏജൻസികളുടെ സഹായത്തോടെ ഉരുൾപൊട്ടൽ സാധ്യതമേഖല മാപ്പിങ്ങ് നടത്തണമെന്ന് റിപ്പോർട്ട് ശുപാർശ ചെയ്യുന്നു.റിപ്പോർട്ട് ജില്ലാ കളക്ടർ സർക്കാരിന് കൈമാറിയെങ്കിലും തുടർനടപടികളൊന്നും ഉണ്ടായിട്ടില്ല.



Share this News Now:
  • Google+
Like(s): 44