Breaking News
കോഴിക്കോട് പേരാമ്പ്രയില്‍ തുടര്‍ച്ചയായ രണ്ടാം ദിവസവും ബോംബേറ്... കെവിന്‍ കൊലപാതക കേസിന്‍റെ പ്രാഥമിക വാദം ഇന്ന് ആരംഭിക്കും... വയനാട്ടില്‍ യുവാവിന് കുരങ്ങുപനി സ്ഥിരീകരിച്ചതായി ആരോഗ്യ വകുപ്പ് അധികൃതര്‍... സിപിഎം ലോക്കല്‍ സെക്രട്ടറിയെ കോടതി വളപ്പില്‍ വെട്ടിക്കൊലപ്പെടുത്താന്‍ ശ്രമം... ട്രായ് ചട്ടത്തിനെതിരെ നാളെ 24 മണിക്കൂര്‍ സിഗ്‌നല്‍ ഓഫ് ചെയ്ത് കേബിള്‍ ഓപ്പറേറ്റര്‍മാരുടെ പ്രതിഷേധം... കശ്മീരിലെ ഷോപിയാന്‍ ജില്ലയില്‍ ഐപിഎസ് ഉദ്യോഗസ്ഥന്‍റെ സഹോദരനുള്‍പ്പെടെ 3 ഹിസ്ബുല്‍ മുജാഹിദീന്‍ ഭീകരരെ സൈന്യം വധിച്ചു... കോഴിക്കോട് സി​പി​എം നേ​താ​വി​ന്‍റെ വീ​ടി​നു നേ​രെ ബോം​ബേ​റ്...

25 October, 2018 04:58:03 PM


സര്‍ക്കാര്‍ സ്‌കൂളിലെ വാട്ടര്‍വാട്ടര്‍ ടാങ്കിനകത്ത് മനുഷ്യന്‍റെ അസ്ഥികൂടം

ദില്ലി രോഹിണിയിലെ മുഖ്‌മേല്‍പൂര്‍ ഗ്രാമത്തിലെ സ്‌കൂളിലാണ് സംഭവം



ദില്ലി: മുനിസിപ്പാലിറ്റിക്ക് കീഴില്‍ പ്രവര്‍ത്തിക്കുന്ന സ്‌കൂള്‍ കെട്ടിടത്തിലെ വാട്ടര്‍ ടാങ്കിനകത്ത് മനുഷ്യന്‍റെ അസ്ഥികൂടം കണ്ടെത്തി. രോഹിണിയിലെ മുഖ്‌മേല്‍പൂര്‍ ഗ്രാമത്തിലെ സ്‌കൂളിലാണ് സംഭവം. 


സ്‌കൂളിലെ വാട്ടര്‍ ടാങ്ക് വൃത്തിയാക്കാനെത്തിയ തൊഴിലാളികളാണ് ആദ്യം അസ്ഥികൂടം കണ്ടത്. തലയോട്ടിയും പല അവയവങ്ങളുടെ എല്ലുകളുമാണ് കണ്ടെത്തിയത്. തൊഴിലാളികള്‍ സ്‌കൂള്‍ അധികൃതരെ വിവരമറിയിക്കുകയും ഇവര്‍ തുടര്‍ന്ന് പൊലീസില്‍ വിവരമറിയിക്കുകയുമായിരുന്നു. 


പൊലീസ് സംഭവസ്ഥലത്തെത്തി പരിശോധന നടത്തുകയും സ്‌കൂള്‍ നടത്തിപ്പുകാരെ ചോദ്യം ചെയ്യുകയും ചെയ്തു. ഫൊറന്‍സിക് വിദഗ്ധരും പരിശോധനകള്‍ക്കായെത്തി. അസ്ഥികൂടം സ്ത്രീയുടെയോ പുരുഷന്‍റെയോ, ആളുടെ പ്രായം തുടങ്ങിയ വിശദവിവരങ്ങള്‍ക്കെല്ലാം വേണ്ടി ഫൊറന്‍സിക് വിഭാഗത്തിന്‍റെ റിപ്പോര്‍ട്ടിന് കാത്തുനില്‍ക്കുകയാണ് പൊലീസ് ഇപ്പോള്‍. സംഭവത്തില്‍ കേസെടുത്ത് അന്വേഷണം ആരംഭിച്ചതായും പൊലീസ് അറിയിച്ചു.



Share this News Now:
  • Google+
Like(s): 89