Breaking News
കോഴിക്കോട് പേരാമ്പ്രയില്‍ തുടര്‍ച്ചയായ രണ്ടാം ദിവസവും ബോംബേറ്... കെവിന്‍ കൊലപാതക കേസിന്‍റെ പ്രാഥമിക വാദം ഇന്ന് ആരംഭിക്കും... വയനാട്ടില്‍ യുവാവിന് കുരങ്ങുപനി സ്ഥിരീകരിച്ചതായി ആരോഗ്യ വകുപ്പ് അധികൃതര്‍... സിപിഎം ലോക്കല്‍ സെക്രട്ടറിയെ കോടതി വളപ്പില്‍ വെട്ടിക്കൊലപ്പെടുത്താന്‍ ശ്രമം... ട്രായ് ചട്ടത്തിനെതിരെ നാളെ 24 മണിക്കൂര്‍ സിഗ്‌നല്‍ ഓഫ് ചെയ്ത് കേബിള്‍ ഓപ്പറേറ്റര്‍മാരുടെ പ്രതിഷേധം... കശ്മീരിലെ ഷോപിയാന്‍ ജില്ലയില്‍ ഐപിഎസ് ഉദ്യോഗസ്ഥന്‍റെ സഹോദരനുള്‍പ്പെടെ 3 ഹിസ്ബുല്‍ മുജാഹിദീന്‍ ഭീകരരെ സൈന്യം വധിച്ചു... കോഴിക്കോട് സി​പി​എം നേ​താ​വി​ന്‍റെ വീ​ടി​നു നേ​രെ ബോം​ബേ​റ്...

22 October, 2018 04:11:59 PM


ഇന്ത്യയില്‍ കോടീശ്വരന്മാരുടെ എണ്ണം കൂടുന്നു; നികുതി വരുമാനവും

കഴിഞ്ഞ നാലുവര്‍ഷത്തിനിടയ്ക്ക് വര്‍ദ്ധനവ് 60 ശതമാനത്തോളമാണ്



ദില്ലി: ഇന്ത്യയില്‍ ഒരു കോടി രൂപയില്‍ ഏറെ വാര്‍ഷിക വരുമാനമുളളവരുടെ എണ്ണം വര്‍ദ്ധിക്കുന്നതായി ആദായ നികുതി വകുപ്പ്. കഴിഞ്ഞ നാലുവര്‍ഷത്തിനിടയ്ക്ക് ഒരു കോടി രൂപയിലേറെ വരുമാനമുളളവരുടെ എണ്ണം വര്‍ദ്ധിച്ചത് 60 ശതമാനത്തോളമാണ്. അതായത് ഉണ്ടായ വര്‍ദ്ധന ഏകദേശം 1.40 ലക്ഷത്തിനടുത്താണ്. 


ആദായ നികുതി വകുപ്പിന് നല്‍കിയിട്ടുളള സത്യവാങ്മൂലത്തില്‍ ഒരു കോടിക്ക് മുകളില്‍ വാര്‍ഷിക വരുമാനമുണ്ട് എന്ന് രേഖപ്പെടുത്തിയവരുടെ കണക്കാണിത്. അതായത് 2014-15 ല്‍ 88,649 നികുതിദായകരാണ് ഒരു കോടി രൂപയ്ക്ക് മുകളില്‍ തങ്ങള്‍ക്ക് വാര്‍ഷിക വരുമാനമുളളത് എന്ന് വെളിപ്പെടുത്തിയിരുന്നതെങ്കില്‍ 2017-18 ആയപ്പോഴേക്കും അത് 1,40,139 പേരിലേക്ക് വളര്‍ന്നു.


കഴിഞ്ഞ നാല് വര്‍ഷത്തിനിടയില്‍ കേന്ദ്ര സര്‍ക്കാര്‍ സ്വീകരിച്ച നടപടികളും വകുപ്പ് നടത്തിയ എന്‍ഫോഴ്സ്മെന്‍റ് നടപടികളുമാണ് ഇത്തരമൊരു നേട്ടത്തിലേക്ക് രാജ്യത്തെ നയിച്ചതെന്നാണ് ആദായ നികുതി വകുപ്പിന്‍റെ അവകാശവാദം. ഇതിനനുസരിച്ച് രാജ്യത്തിന്‍റെ നികുതി വരുമാനത്തിലും വര്‍ദ്ധനയുണ്ടയതായി വകുപ്പിന്‍റെ രേഖകള്‍ വ്യക്തമാക്കുന്നു. 



Share this News Now:
  • Google+
Like(s): 156