17 October, 2018 12:07:42 PM


പ്രകൃതി ദുരന്തങ്ങള്‍ നേരിടാന്‍ വിദ്യാര്‍ത്ഥികള്‍ക്ക് അഗ്‌നിശമന രക്ഷാ സേനയുടെ പരിശീലനം

പ്രകൃതിദുരന്തങ്ങളെ അതിജീവിക്കുന്നതിന് കോട്ടൂര്‍ എ കെ എം ഹയര്‍സെക്കന്‍ഡറി സ്‌കൂളില്‍ വിദ്യാര്‍ഥികള്‍ക്ക് പരിശീലനം നല്‍കി



മലപ്പുറം: പ്രകൃതിദുരന്തങ്ങളെ അതിജീവിക്കുന്നതിന് കോട്ടൂര്‍ എ കെ എം ഹയര്‍സെക്കന്‍ഡറി സ്‌കൂളില്‍ വിദ്യാര്‍ഥികള്‍ക്ക് പരിശീലനം നല്‍കി. ബോധവല്‍ക്കരണ ക്ലാസ് പ്രധാന അധ്യാപകന്‍ ബഷീര്‍ കുരുണിയന്‍ ഉദ്ഘാടനം ചെയ്തു. വെള്ളപ്പൊക്കം,തീപിടുത്തം, പ്രകൃതി ദുരന്തങ്ങള്‍ എന്നിവ സംഭവിക്കുമ്പോള്‍ സ്വീകരിക്കേണ്ട പ്രതിരോധ മാര്‍ഗങ്ങളെ സംബന്ധിച്ചും, ദുരന്തനിവാരണ മാര്‍ഗങ്ങളെയും, സുരക്ഷ പ്രവര്‍ത്തനങ്ങളെയും കുറിച്ച് മലപ്പുറം ഫയര്‍ ഓഫീസിലെ അഗ്‌നി രക്ഷാ സേനാംഗം എം മുരളി വിദ്യാര്‍ത്ഥിക്ക് ക്ലാസ് എടുത്തു. തീയണക്കുന്ന രീതിയെ മനസ്സിലാക്കി കൊടുക്കുന്നതിന് വേണ്ടി മോക്ക് ഡ്രില്‍ നടത്തി. മലപ്പുറം അഗ്‌നി രക്ഷാ സേനാംഗം കെ .പി ഷാജു, സ്‌കൂള്‍ മാനേജര്‍ കെ. ഇബ്രാഹിം ഹാജി, പ്രന്‍സിപ്പല്‍ അലി കടവണ്ടി, അധ്യാപകരായ എന്‍ കെ ഫൈസല്‍, പി ഷെഫീഖ് അഹമ്മദ്, ശ്രീരേഖ, എ ഫാരിസ് ,കെ ജൗഹര്‍, വി സജാദ് ,കെ നിജ എന്നിവര്‍ സംബന്ധിച്ചു.



Share this News Now:
  • Google+
Like(s): 274