Breaking News
ഫ്ലോറിഡയില്‍ വെടിവെപ്പില്‍ അഞ്ച് പേര്‍ കൊല്ലപ്പെട്ടു; അക്രമിയെ അറസ്റ്റ് ചെയ്തതായി പോലീസ്... കോഴിക്കോട് പേരാമ്പ്രയില്‍ തുടര്‍ച്ചയായ രണ്ടാം ദിവസവും ബോംബേറ്... കെവിന്‍ കൊലപാതക കേസിന്‍റെ പ്രാഥമിക വാദം ഇന്ന് ആരംഭിക്കും... വയനാട്ടില്‍ യുവാവിന് കുരങ്ങുപനി സ്ഥിരീകരിച്ചതായി ആരോഗ്യ വകുപ്പ് അധികൃതര്‍... സിപിഎം ലോക്കല്‍ സെക്രട്ടറിയെ കോടതി വളപ്പില്‍ വെട്ടിക്കൊലപ്പെടുത്താന്‍ ശ്രമം... ട്രായ് ചട്ടത്തിനെതിരെ നാളെ 24 മണിക്കൂര്‍ സിഗ്‌നല്‍ ഓഫ് ചെയ്ത് കേബിള്‍ ഓപ്പറേറ്റര്‍മാരുടെ പ്രതിഷേധം... കശ്മീരിലെ ഷോപിയാന്‍ ജില്ലയില്‍ ഐപിഎസ് ഉദ്യോഗസ്ഥന്‍റെ സഹോദരനുള്‍പ്പെടെ 3 ഹിസ്ബുല്‍ മുജാഹിദീന്‍ ഭീകരരെ സൈന്യം വധിച്ചു... കോഴിക്കോട് സി​പി​എം നേ​താ​വി​ന്‍റെ വീ​ടി​നു നേ​രെ ബോം​ബേ​റ്...

16 October, 2018 12:37:33 PM


കെപിഎസി ലളിതയെ സംഗീത നാടക അക്കാദമി ഇനിയും ചുമക്കണോ? രൂക്ഷവിമര്‍ശനവുമായി ദീപന്‍ ശിവരാമന്‍

സംഗീത നാടക അക്കാദമി ചെയര്‍പേഴ്സണ്‍ എന്ന നിലയില്‍ തന്‍റെ പദവി ദുരുപയോഗം ചെയ്തിരിക്കുകയാണ് കെ പിഎസി ലളിത



തിരുവനന്തപുരം: നടി ആക്രമിക്കപ്പെട്ട സംഭവവും ഡബ്ല്യുസിസിയോടുമുള്ള കെപിഎസി ലളിതയുടെ നിലപാടിന് രൂക്ഷ വിമര്‍ശനവുമായി പ്രശസ്ത നാടക സംവിധായകന്‍ ദീപന്‍ ശിവരാമന്‍. സംഗീത നാടക അക്കാദമി ചെയര്‍പേഴ്സണ്‍ എന്ന നിലയില്‍ തന്റെ പദവി ദുരുപയോഗം ചെയ്തിരിക്കുകയാണ് കെ പിഎസി ലളിതയെന്ന് ദീപന്‍ ശിവരാമന്‍ പറഞ്ഞു. കലാകാരിയെന്ന നിലയിലും കെപിഎസി ലളിത നീതി പുലര്‍ത്തിയില്ലെന്ന് അദ്ദേഹം കൂട്ടിച്ചേര്‍ത്തു


കെപിഎസി ലളിതയുടെ മുഴുവന്‍ വിശ്വാസ്യതയും നഷ്ടമാക്കുന്നതായിരുന്നു ഇന്നലെ നടത്തിയ പരാമര്‍ശങ്ങള് എന്നും ദീപന്‍ ശിവരാമന്‍ വ്യക്തമാക്കുന്നു. കേരളത്തിലെ നാടക മേഖലയില്‍ ഉള്ളവര്‍ ശക്തമായി അവര്‍ക്കെതിരെ രംഗത്ത് വരണമെന്നാണ് തന്‍റെ അഭിപ്രായമെന്നും ദീപന്‍ ശിവരാമന്‍ വിശദമാക്കി.  നടിയെ അക്രമിക്കപ്പെട്ട കേസില്‍ തുടക്കം മുതല്‍ അവര്‍ സ്വീകരിച്ചിട്ടുള്ള നിലപാടുകള്‍ ഇത്തരത്തില്‍ ഉള്ളതാണെന്നും അദ്ദേഹം ചൂണ്ടിക്കാണിക്കുന്നു. 


കേരളത്തിലെ നാടക സമൂഹം പ്രതീകാത്മകമായെങ്കിലും അവര്‍ക്കെതിരെ ഒരു മാര്‍ച്ച് നടത്തിയെങ്കിലും പ്രതിഷേധം അറിയിക്കണമെന്നാണ് ആഗ്രഹിക്കുന്നത്. വായില്‍ തോന്നിയത് വിളിച്ച് പറയുന്ന കെപിഎസി ലളിതയുടെ രാജി ആവശ്യപ്പെടണം  അവരുടെ പേരിനൊപ്പം ചേര്‍ക്കുന്ന കെപിഎസി എന്നത് മാറ്റി എഎംഎംഎ ലളിത എന്നു ചേര്‍ക്കുന്നതാവും ഉചിതം. കെപിഎസി എന്നത് നാടകത്തിന് വിപ്ലവകരമായ രീതിയില്‍ ജീവന്‍ കൊണ്ടുവന്ന പ്രസ്ഥാനമായിരുന്നു. കെപിഎസി ലളിത എന്ന് ഒപ്പം ചേര്‍ത്ത് ആ പ്രസ്ഥാനത്തെ ലളിത ഇനിയും അപമാനിക്കാന്‍ ഇടയാക്കരുതെന്നും ദീപന്‍ ശിവരാമന്‍ ആവശ്യപ്പെടുന്നു



Share this News Now:
  • Google+
Like(s): 151