Breaking News
പന്ത്രണ്ട് വയസുള്ള കുട്ടിയെ ലൈംഗികമായി പീഡിപ്പിച്ച ക്ഷേത്രം പൂജാരി ഏറ്റുമാനൂരില്‍ പിടിയില്‍... എറണാകുളം ജില്ലക്ക് മേല്‍ ന്യൂനമര്‍ദ്ദം: അതിശക്തമായ കാറ്റിനും മഴയ്ക്കും സാധ്യത; ജാഗ്രതാ നിര്‍ദ്ദേശം... ഹിന്ദു ഐക്യവേദി നേതാക്കളായ കെ.പി.ശശികലയും ഭാര്‍ഗവറാമും പൃഥിപാലും കസ്റ്റഡിയില്‍... ശനിയാഴ്ച ഹർത്താൽ... രഹ്ന ഫാത്തിമയുടെ മുൻകൂർ ജാമ്യാപേക്ഷ തള്ളി... തമിഴ്‌നാട്ടില്‍ നാശം വിതച്ച്‌ ഗജ ചുഴലിക്കാറ്റ്: ആറ് മരണം... ഗജ ചുഴലിക്കാറ്റ് ; കേരളത്തില്‍ മൂന്ന് ജില്ലകളില്‍ ഓറഞ്ച് അലര്‍ട്ട്, ആറ് ജില്ലകളില്‍ യെല്ലോ അലര്‍ട്ട്... കെഎസ്ആര്‍ടിസി നിലയ്ക്കല്‍ - പമ്പ ചെയിന്‍ സര്‍വീസും സെല്‍ഫ് ടിക്കറ്റിംഗ് കിയോസ്‌കും വെള്ളിയാഴ്ച ആരംഭിക്കും... തിരുവനന്തപുരം കണിയപുരത്ത് നിയന്ത്രണം വിട്ട കാർ ഇടിച്ച് രണ്ട് പേര്‍ മരിച്ചു... ഏഴ് ദിവസത്തേക്ക് ശബരിമലയില്‍ നിരോധനാജ്ഞ... ശബരിമല പ്രശ്നത്തിൽ സമവായമുണ്ടാക്കാൻ സർക്കാർ വിളിച്ച സർവകക്ഷിയോഗം പാളി... ഗജ ചുഴലിക്കാറ്റ് വൈകിട്ടോടെ തീരം തൊടും: കേരളത്തിൽ ശക്തമായ മഴയ്ക്ക് സാധ്യത...

13 October, 2018 12:58:01 PM


ഡബ്ല്യുസിസിയുടെ വാര്‍ത്താസമ്മേളനം 'മീ ടൂ' വെളിപ്പെടുത്തലുകളാകുമോ?

ഇന്ന് വെെകുന്നേരം എറണാകുളം പ്രസ് ക്ലബ്ബില്‍ വിമന്‍ ഇന്‍ സിനിമ കളക്ടീവ് അംഗങ്ങളുടെ വാര്‍ത്താസമ്മേളനം



കൊച്ചി: ഇന്ന് വെെകുന്നേരം എറണാകുളം പ്രസ് ക്ലബ്ബില്‍ വിമന്‍ ഇന്‍ സിനിമ കളക്ടീവ് അംഗങ്ങള്‍ വിളിച്ചിരിക്കുന്ന വാര്‍ത്താസമ്മേളനത്തില്‍ വലിയ വെളിപ്പെടുത്തലുകളുണ്ടാകുമെന്ന് സാഹിത്യകാരന്‍ എന്‍.എസ്.മാധവന്‍. ഇന്ത്യന്‍ സിനിമയില്‍ ഇപ്പോള്‍ കോളിളക്കം സൃഷ്ടിക്കുന്ന മീ ടൂ ക്യാമ്പയിനിലേക്ക് മലയാളത്തില്‍ നിന്നുള്ള വെളിപ്പെടുത്തലുകള്‍ ഇന്നത്തെ വാര്‍ത്താസമ്മേളനത്തിലുണ്ടാകുമെന്ന സൂചനയാണ് എന്‍.എസ്. മാധവന്‍റെ ട്വീറ്റിലുള്ളത്.


വെെകുന്നേരം നാലിന് നടക്കുന്ന വാര്‍ത്താസമ്മേളനം ഒഴിവാക്കരുതെന്ന് മാധ്യമ സുഹൃത്തുക്കളോട് അദ്ദേഹം പറയുന്നു. ഒപ്പം വരുന്നത് ഒരു വലിയ സംഭവമായിരിക്കുമെന്ന് ഒരു ചെറിയ പക്ഷി പറയുന്നുവെന്ന് എന്‍.എസ്. മാധവന്‍ കുറിച്ചു. മീ ടൂ എന്ന് ഹാഷ്‍ടാഗും ഉള്‍പ്പെടുത്തിയിട്ടുണ്ട്. പാര്‍വതി, രേവതി, പത്മപ്രിയ എന്നിവരാണ് വാര്‍ത്താസമ്മേളനം വിളിച്ചിരിക്കുന്നത്. അമ്മയ്ക്കെതിരെ തുറന്ന പോരിന് തയാറെടുത്താണ് സിനിമയിലെ വനിതാ കൂട്ടായ്മയായ ഡബ്യുസിസി രംഗത്ത് വന്നിരിക്കുന്നത്. ദിലീപിനെ തിരിച്ചെടുക്കാനെടുത്ത തീരുമാനം റദ്ദാക്കാത്തതിലുള്ള പ്രതിഷേധം പരസ്യമാക്കും.


ദിലീപിനെ തിരിച്ചെടുത്ത നടപടിയ്ക്കെതിരെ രേവതി, പാര്‍വ്വതി, പത്മപ്രിയ എന്നിവര്‍ നല്‍കിയ കത്തിന്‍റെ അടിസ്ഥാനത്തില്‍ ചര്‍ച്ച നടന്നെങ്കിലും തീരുമാനം ജനറല്‍ ബോഡിക്ക് മാത്രമേ പുനപരിശോധിക്കാനാവൂ എന്ന നിലപാട് ആണ് നേതൃത്വം കൈക്കൊണ്ടത്. ഇത് ഇരട്ടത്താപ്പാണെന്നാണ് ഡബ്ല്യുസിസി പറയുന്നത്. പ്രതിഷേധത്തിന്‍റെ ഭാഗമായി കൂടുതല്‍ അംഗങ്ങള്‍ രാജിതിരുമാനം പ്രഖ്യാപിച്ചേക്കുമെന്നും സൂചനയുണ്ട്.



Share this News Now:
  • Google+
Like(s): 34