27 September, 2018 10:04:55 PM


പതിനെട്ടാം വയസ്സില്‍ സഹതാരം പീഡിപ്പിക്കാന്‍ ശ്രമിച്ചെന്ന് സണ്ണി ലിയോണിന്‍റെ വെളിപ്പെടുത്തല്‍

മീ ടൂ ക്യാമ്പയിനില്‍ അണിനിരന്നാണ് സണ്ണിലിയോണിന്‍റെ വെളിപ്പെടുത്തല്‍



മുംബൈ: പതിനെട്ടാമത്തെ വയസ്സില്‍ തന്നെ പീഡിപ്പിക്കാന്‍ സഹതാരം ശ്രമിച്ചെന്ന ദുരനുഭവം പങ്കുവെച്ച് സണ്ണി ലിയോണ്‍. ഒരു സംഗീത ആല്‍ബത്തില്‍ ആദ്യമായി അഭിനയിക്കാന്‍ പോയപ്പോഴായിരുന്നു സംഭവമെന്ന് മീ ടൂ ക്യാമ്പയിനില്‍ അണിനിരന്ന് സണ്ണിലിയോണ്‍ വെളിപ്പെടുത്തി. അതേസമയം പീഡിപ്പിക്കാന്‍ ശ്രമിച്ചയാളുടെ പേര് സണ്ണി പുറത്തു വിട്ടിട്ടില്ല.


അയാളുമായി നിയമ യുദ്ധത്തിലേര്‍പ്പെടാന്‍ താല്‍പര്യമില്ലാത്തതിനാലാണ് പേര് വെളിപ്പെടുത്താത്തതെന്ന് അവര്‍ വ്യക്തമാക്കി. സഹതാരത്തിന്‍റെ പീഡനശ്രമത്തിന് മുന്നില്‍ ഭയപ്പെട്ടില്ലെന്നും അയാളെ മാറ്റിനിര്‍ത്തണമെന്ന് അണിയറ പ്രവര്‍ത്തകരോട് ആവശ്യപ്പെട്ടെന്നും അവര്‍ കൂട്ടിച്ചേര്‍ത്തു. കരണ്‍ജീത്ത് കൗര്‍, ദ സറ്റോറി ഓഫ് സണ്ണി ലിയോണ്‍ എന്ന വെബ് സീരീസില്‍ ഈ സംഭവം വ്യക്തമായി പറയുന്നുണ്ടെന്നും സണ്ണി പറഞ്ഞു. 


സ്ത്രീകള്‍ക്കെതിരെ നടക്കുന്നതും നടന്നതുമായ അതിക്രമങ്ങള്‍ അവര്‍ തന്നെ വിളിച്ചു പറയുന്ന മീ ടു ക്യാമ്പയിന്‍ ലോകമാകെ വലിയ ചര്‍ച്ചയായിട്ടുണ്ട്. ഹോളിവുഡിലെ പ്രമുഖ നിര്‍മാതാവ് ഹാര്‍വി വെയിസ്റ്റിനെതിരേ നടിമാര്‍ തുടങ്ങിവച്ച ക്യാമ്പയിന്‍ ചലച്ചിത്ര ലോകത്തെ വിസ്മയ താരങ്ങള്‍ മുതല്‍ സാധാരണക്കാര്‍ വരെ ഏറ്റെടുത്തു. സണ്ണിയുടെ വെളിപ്പെടുത്തലോടെ മീ ടു ക്യാമ്പയിന്‍ വീണ്ടും സജീവമാകുകയാണ്.



Share this News Now:
  • Google+
Like(s): 194