05 September, 2018 10:10:42 AM


ജപ്പാനില്‍ ജെബി കൊടുങ്കാറ്റ്; ഒമ്പതു മരണം, 10 ലക്ഷത്തോളം ആളുകളെ ഒഴിപ്പിച്ചു

ജൂലൈയിലുണ്ടായ വെള്ളപ്പൊക്കത്തില്‍ 100 ലധികം പേര്‍ മരിച്ചിരുന്നു



ടോക്കിയോ: ജപ്പാനില്‍ കടുത്ത നാശന്ഷ്ടങ്ങള്‍ക്കിടയാക്കി ജെബി കൊടുങ്കാറ്റ്. 25 വര്‍ഷത്തിനിടയിലെ ഏറ്റവും വലിയ കൊടുങ്കാറ്റാണ് കഴിഞ്ഞ ദിവസമുണ്ടായതെന്നാണ് റിപ്പോര്‍ട്ട്. ഇതുവരെ ഒമ്പതു പേര്‍ മരിച്ചതായാണ് വിവരം. 10 ലക്ഷത്തോളം ആളുകളെ സുരക്ഷിത കേന്ദ്രങ്ങളിലേക്ക് മാറ്റി .


ജപ്പാനിലെ പടിഞ്ഞാറന്‍ മേഖലയിലാണ് ജെബി എന്ന പേരിട്ട ശക്തമായ കൊടുങ്കാറ്റടിച്ചത്.കൊടുങ്കാറ്റിനെ തുടര്‍ന്നുണ്ടായ ശക്തമായ മഴയില്‍ നിരവധി മേഖലകളില്‍ വെള്ളപ്പൊക്കമുണ്ടായി . റണ്‍വേയില്‍ വെള്ളം കയറിയതിനെ തുടര്‍ന്ന് കന്‍സായ് എയര്‍പോര്‍ട്ടിന്റെ പ്രവര്‍ത്തനം നിര്‍ത്തിവെച്ചു. 100 ഓളം വിമാനങ്ങള്‍ റദ്ദാക്കി. ട്രെയിന്‍ ഗതാഗതവും നിര്‍ത്തിവെച്ചു. റോഡ് ഗതാഗതവും താറുമാറായിരിക്കുകയാണ്.


ചെറിയ ദ്വീപീയ ഷിക്കോക്കുവില്‍ മണ്ണിടിച്ചിലുണ്ടായി. മണിക്കൂറില്‍ 3.3 മില്ലിമീറ്റര്‍ മഴയാണ് സന്ദര്‍ശക നഗരമായ കൊയ്‌റ്റോ സിറ്റിയില്‍ പെയ്തത്. ഷിക്കോക്കുവില്‍ മണിക്കൂറില്‍ 208 കിലോ മീറ്റര്‍ വേഗത്തില്‍ കാറ്റ് വീശി. ജപ്പാനില്‍ ജൂലൈയിലുണ്ടായ വെള്ളപ്പൊക്കത്തില്‍ 100 ലധികം പേര്‍ മരിച്ചിരുന്നു.



Share this News Now:
  • Google+
Like(s): 71