20 August, 2018 01:17:53 PM


പ്രളയം: കേരളത്തില്‍ നിന്ന് അധിക സര്‍വീസുകളുമായി ജെറ്റ് എയര്‍വേസ്

യാത്ര മുടങ്ങിയവര്‍ക്ക് ആശ്വാസവുമായി ദിവസവും നാല് ആഭ്യന്തര സര്‍വീസുകള്‍



തിരുവനന്തപുരം: പ്രളയ ദുരന്തത്തില്‍ യാത്ര മുടങ്ങിയവര്‍ക്ക് ആശ്വാസവുമായി ജെറ്റ് എയര്‍വെയ്‌സ്.  കേരളത്തില്‍ നിന്നും ഞായറാഴ്ച കൂടുതല്‍ ജെറ്റ് എയര്‍വേസ് സര്‍വീസുകള്‍ ആരംഭിച്ചു. ആറ് അന്താരാഷ്ട്ര സര്‍വീസുകളും നാല് ആഭ്യന്തര സര്‍വീസുകളുമാണ് ജെറ്റ് എയര്‍വേസ് അധികമായി നടത്തുന്നത്. മുംബൈ, ബെംഗളൂരു എന്നിവിടങ്ങളിലേക്കാണ് ആഭ്യന്തര റൂട്ടുകളില്‍ അധിക സര്‍വീസുകള്‍. 26 വരെ എല്ലാ ദിവസങ്ങളിലും നാല് വീതം ആഭ്യന്തര സര്‍വീസുകള്‍ ഉണ്ടാകും. തിരുവനന്തപുരം വിമാനത്താവളത്തില്‍ നിന്നാണ് എല്ലാ സര്‍വീസുകളും. 


21, 22 തീയതികളിലാണ്  ആറ് അന്താരാഷ്ട്ര സര്‍വീസുകള്‍. 21ന് രാവിലെ 7.55 ന് തിരുവനന്തപുരത്ത് നിന്ന് ദുബായിലേക്ക് പുറപ്പെട്ട് 10.35 ഓടെ അവിടെ എത്തുന്ന വിമാനം തിരിച്ച് ദുബായില്‍ നിന്ന് ഉച്ചയ്ക്ക്  12.10 ന് പുറപ്പെടും. ഈ വിമാനം തിരുവനന്തപുരത്ത് വൈകീട്ട് ആറു മണിയോടെ എത്തും. ഇതേ സമയത്ത് 22നു ദുബായിലേക്കും അവിടെ നിന്ന് തിരിച്ചും സര്‍വീസുണ്ട്. കൂടാതെ അന്ന് വൈകീട്ട് ഏഴ് മണിക്ക് ദമാമിലേക്കും ഒരു സര്‍വീസുണ്ട്. തിരിച്ച് 10 മണിക്ക് ദമാമില്‍ നിന്നുള്ള വിമാനം തിരുവനന്തപുരത്ത് പുലര്‍ച്ച 5.30 ന് എത്തും. 



Share this News Now:
  • Google+
Like(s): 52