09 August, 2018 01:17:44 PM


എന്‍ഡിഎയ്ക്ക് നേട്ടം; ഹരിവന്‍ഷ് നാരായണ്‍ സിംഗ് രാജ്യസഭാ ഉപാദ്ധ്യക്ഷന്‍

ബിജെഡിയും ടിആർഎസും എൻഡിഎയ്ക്ക് വോട്ടു ചെയ്തു



ദില്ലി: രാജ്യസഭാ ഉപാദ്ധ്യക്ഷന്‍ സ്ഥാനത്തേക്ക് നടന്ന തിരഞ്ഞെടുപ്പില്‍ എന്‍ഡിഎയ്ക്ക് വിജയം.  ജെഡിയു എംപി ഹരിവന്‍ഷ് നാരായണ്‍ രാജ്യസഭാ ഉപാദ്ധ്യക്ഷനായി തിരഞ്ഞെടുക്കപ്പെട്ടു. ഹരിവൻഷിൻറെയും ബികെ ഹരിപ്രസാദിൻറെയും പേരുകൾ മുന്നോട്ടു വച്ചു പ്രമേയം അവതരിപ്പിച്ചായിരുന്നു തിരഞ്ഞെടുപ്പ് നടന്നത്. ഹരിവൻഷിന് അനുകൂലമായി 4 പ്രമേയവും ഹരിപ്രസാദിന് അനുകൂലമായി 5 പ്രമേയവുമാണ് വന്നത്. ഇതില്‍ ഹരിവൻഷിനെ നിർദ്ദേശിക്കുന്ന പ്രമേയത്തിലാണ് വോട്ടെടുപ്പ് നടന്നത്. വോട്ടെടുപ്പില്‍ ഹരിവന്‍ഷ് നാരായണ്‍ വിജയിക്കുകയായിരുന്നു. ബിജെഡിയും ടിആർഎസും എൻഡിഎയ്ക്ക് വോട്ടു ചെയ്തു.



Share this News Now:
  • Google+
Like(s): 104