Breaking News
ഒമ്പത് ജില്ലകളില്‍ വിദ്യാഭ്യാസ സ്ഥാപനങ്ങള്‍ക്ക് നാളെ അവധി... നെടുമ്പാശേരി വിമാനത്താവളത്തില്‍ നിന്ന് ശനിയാഴ്ച വരെ സര്‍‌വീസുകള്‍ ഉണ്ടാവില്ല... ഭാരതപ്പുഴ കര കവിഞ്ഞതോടെ പട്ടാമ്പി പാലത്തിലൂടെ ഗതാഗതം നിരോധിച്ചു... നെടുമ്പാശ്ശേരി വിമാനത്താവളത്തിൽ രണ്ട് മണി വരെ വിമാന സർവീസ് നിർത്തിവച്ചു... മുല്ലപ്പെരിയാര്‍ അണക്കെട്ട് തുറന്നു; 13 ഷട്ടറുകളിലൂടെ സ്പില്‍ വേ വഴി വെള്ളം പുറത്തേക്ക്... കവി ചെമ്മനം ചാക്കോ അന്തരിച്ചു... വ്യവസായ മന്ത്രിയായി ഇപി ജയരാജന്‍ സത്യപ്രതിജ്ഞ ചെയ്തു... ജലന്ധര്‍ ബിഷപ്പിനെ അറസ്റ്റ് ചെയ്യാതെ അന്വേഷണസംഘം മടങ്ങി... നിറപുത്തരി പൂജക്കായി ശബരിമല നട ഇന്ന് തുറക്കും; തീർത്ഥാടകർക്ക് വിലക്ക്... പാക്ക് നടിയും മോഡലുമായ രേഷ്മ കൊല്ലപ്പെട്ടു...

04 August, 2018 10:55:18 AM


കന്യാസ്ത്രീയ്‌ക്കെതിരായ പരാതി: യുവതി പിന്‍മാറി; ബിഷപ്പിന് കുരുക്ക് മുറുകുന്നു

കന്യാസ്ത്രീക്ക് തന്‍റെ ഭര്‍ത്താവുമായി അവിഹിത ബന്ധം ഉണ്ടെന്നായിരുന്നു സ്ത്രീയുടെ പരാതി



ദില്ലി: ബിഷപ്പ് ഫ്രാങ്കോ മുളയ്ക്കലിനെതിരെ പരാതി നല്‍കിയ കന്യാസ്ത്രീക്ക് തന്റെ ഭര്‍ത്താവുമായി അവിഹിത ബന്ധം ഉണ്ടെന്ന് ആരോപണം ഉന്നയിച്ച സ്ത്രീ പരാതിയില്‍ നിന്ന് പിന്മാറി. ഇതോടെ ബിഷപ്പിനെതിരായ കുരുക്ക് മുറുകി. പീഡന പരാതിയില്‍ വത്തിക്കാന്റെ ഇന്ത്യയിലെ സ്ഥാനപതി ഗിയാംബാറ്റിസ്റ്റ ഡിക്ടാരോയുടെ മൊഴി ഇന്ന് രേഖപ്പെടുത്തും. ബിഷപ്പ് ഫ്രാങ്കോ മുളയ്ക്കലിനെ നാളെ അന്വേഷണസംഘം ചോദ്യം ചെയ്യും.


ബിഷപ്പ് ഫ്രാങ്കോ മുളയ്ക്കലിനെതിരെ പരാതി നല്‍കിയ കന്യാസ്ത്രീക്ക് തന്റെ ഭര്‍ത്താവുമായി ബന്ധം ഉണ്ടെന്ന് ആരോപണമുന്നയിച്ച് യുവതി കന്യാസ്ത്രീ ഉള്‍പ്പെട്ട മഠത്തിലെ മദര്‍ സുപ്പീരിയറിന് പരാതി നല്‍കിയിരുന്നു. എന്നാല്‍ കുടുംബതര്‍ക്കങ്ങള്‍ കാരണമാണ് മദര്‍ സുപ്പീരിയറിന് പരാതി നല്‍കിയതെന്ന് പീഡന പരാതി അന്വേഷിക്കുന്ന വൈക്കം ഡിവൈഎസ്പി സുഭാഷിന്റെ നേതൃത്വത്തിലുള്ള പ്രത്യേക അന്വേഷണസംഘത്തിന് യുവതി മൊഴി നല്‍കി.


കന്യാസ്ത്രീയുമായി ഭര്‍ത്താവിന് തെറ്റായ ഒരു ബന്ധവും ഉണ്ടായിരുന്നില്ലെന്നും യുവതി അന്വേഷണസംഘത്തെ അറിയിച്ചു. ഇന്നലെ രാത്രി 7. 30 മുതല്‍ ഇന്ന് പുലര്‍ച്ചെ അഞ്ച് മണി വരെ യുവതിയുടെ മൊഴി എടുക്കല്‍ നീണ്ടു നിന്നു.യുവതിയുടെ ഭര്‍ത്താവിന്റെ മൊഴിയും പ്രത്യേക അന്വേഷണസംഘം രേഖപ്പെടുത്തിയിട്ടുണ്ട്. യുവതിയുടെ മൊഴി ബിഷപ്പ് ഫ്രാങ്കോ മുളയ്ക്കലിനെ കൂടുതല്‍ പ്രസന്ധിയിലാക്കും എന്നാണ് വിലയിരുത്തപ്പെടുന്നത്. പീഡന പരാതിയില്‍ വത്തിക്കാന്റെ ഇന്ത്യയിലെ സ്ഥാനപതിയുടെ മൊഴി അന്വേഷണസംഘം ഇന്ന് രേഖപ്പെടുത്തും.


ബിഷപ്പ് മുളയ്ക്കലിനെതിരായ പരാതി സ്ഥാനപതിക്ക് ഇ മെയിലൂടെ ആദ്യം കൈമാറിയിരുന്നു എന്ന് അന്വേഷണ സംഘത്തിനോട് കന്യാസ്ത്രീ പറഞ്ഞിരുന്നു. ഇത്തരം ഒരു മെയില്‍ ലഭിച്ചിട്ടുണ്ടോ എന്ന കാര്യം സ്ഥിരീകരിക്കാനാണ് സ്ഥാനപതിയുടെ മൊഴി രേഖപ്പെടുത്തുന്നത്. അന്വേഷണസംഘം നാളെ ജലന്ധറിലെത്തി ബിഷപ്പ് ഫ്രാങ്കോ മുളയ്ക്കലിനെ ചോദ്യം ചെയ്യും. ഉജ്ജയിന്‍ ബിഷപ്പിന്റെ മൊഴിയും അന്വേഷണ സംഘം രേഖപ്പെടുത്തും.



Share this News Now:
  • Google+
Like(s): 61