Breaking News
ഒമ്പത് ജില്ലകളില്‍ വിദ്യാഭ്യാസ സ്ഥാപനങ്ങള്‍ക്ക് നാളെ അവധി... നെടുമ്പാശേരി വിമാനത്താവളത്തില്‍ നിന്ന് ശനിയാഴ്ച വരെ സര്‍‌വീസുകള്‍ ഉണ്ടാവില്ല... ഭാരതപ്പുഴ കര കവിഞ്ഞതോടെ പട്ടാമ്പി പാലത്തിലൂടെ ഗതാഗതം നിരോധിച്ചു... നെടുമ്പാശ്ശേരി വിമാനത്താവളത്തിൽ രണ്ട് മണി വരെ വിമാന സർവീസ് നിർത്തിവച്ചു... മുല്ലപ്പെരിയാര്‍ അണക്കെട്ട് തുറന്നു; 13 ഷട്ടറുകളിലൂടെ സ്പില്‍ വേ വഴി വെള്ളം പുറത്തേക്ക്... കവി ചെമ്മനം ചാക്കോ അന്തരിച്ചു... വ്യവസായ മന്ത്രിയായി ഇപി ജയരാജന്‍ സത്യപ്രതിജ്ഞ ചെയ്തു... ജലന്ധര്‍ ബിഷപ്പിനെ അറസ്റ്റ് ചെയ്യാതെ അന്വേഷണസംഘം മടങ്ങി... നിറപുത്തരി പൂജക്കായി ശബരിമല നട ഇന്ന് തുറക്കും; തീർത്ഥാടകർക്ക് വിലക്ക്... പാക്ക് നടിയും മോഡലുമായ രേഷ്മ കൊല്ലപ്പെട്ടു...

01 August, 2018 10:21:21 AM


നാല് കേരളാ കോണ്‍ഗ്രസുകള്‍ ഒന്നിക്കുന്നു; ഐക്യ ആഹ്വാനം പി ടി ചാക്കോ ചരമദിനത്തില്‍

തുടര്‍ചര്‍ച്ചകള്‍ക്കായി പി.സി.തോമസിനെ കെ.എം മാണി ചുമതലപ്പെടുത്തി



കോട്ടയം: കേരളത്തിലെ നാല് കേരള കോണ്‍ഗ്രസ് വിഭാഗങ്ങള്‍ ഒന്നിക്കുന്നതിനായി ചര്‍ച്ചകള്‍ ആരംഭിച്ചു. കെ.എം മാണി, പി.സി തോമസ്, ഫ്രാന്‍സിസ് ജോര്‍ജ്, ജോണി നെല്ലൂര്‍ എന്നിവരാണ് ഒന്നിച്ച്‌ പ്രവര്‍ത്തിക്കുവാന്‍ ആഗ്രഹം പ്രകടിപ്പിച്ചത്. തുടര്‍ചര്‍ച്ചകള്‍ക്കായി പി.സി.തോമസിനെ കെ.എം മാണി ചുമതലപ്പെടുത്തിയിട്ടുണ്ട്.


ഇപ്പോള്‍ മാണി വിഭാഗവും കേരള കോണ്‍ഗ്രസ് ജേക്കബ് വിഭാഗവും യു ഡി എഫിനൊപ്പമാണ്. പി സി തോമസ് എന്‍ ഡി എ പക്ഷത്തും ഫ്രാന്‍സിസ് ജോര്‍ജ് എല്‍ ഡി എഫുമായി സഹകരിച്ചും പ്രവര്‍ത്തിക്കുകയാണ്. കഴിഞ്ഞദിവസം കോട്ടയത്ത് നടന്ന പി.ടി ചാക്കോയുടെ 54-ാം ചരമദിന പരിപാടിയിലാണ് ഐക്യമുണ്ടാകണമെന്ന ആഗ്രഹം എല്ലാ വിഭാഗങ്ങള്‍ക്കും ഉണ്ടായത്. 


ലോക്‌സഭാ തെരഞ്ഞെടുപ്പിന് മുമ്ബുതന്നെ യോജിപ്പിലെത്തണമെന്ന ആഗ്രഹമാണ് പല നേതാക്കളും പ്രകടിപ്പിക്കുന്നത്. കേരള കോണ്‍ഗ്രസ് വിഭാഗങ്ങള്‍ ഒന്നിച്ചാല്‍ അത് കേരള രാഷ്ട്രീയത്തിലെ വലിയ ശക്തിയായി മാറുകയും അഞ്ചിലധികം ജില്ലകളില്‍ പ്രധാന പാര്‍ട്ടിയായി മാറുകയും ചെയ്യുമെന്നാണ് വിലയിരുത്തല്‍. കോട്ടയം, പത്തനംതിട്ട, എറണാകുളം, ഇടുക്കി തുടങ്ങിയ ജില്ലകളില്‍ പ്രധാന ശക്തിയായി മാറാന്‍ കഴിയുമെന്നാണ് കേരള കോണ്‍ഗ്രസ് നേതാക്കള്‍ കരുതുന്നത്.



Share this News Now:
  • Google+
Like(s): 393