Breaking News
ഒമ്പത് ജില്ലകളില്‍ വിദ്യാഭ്യാസ സ്ഥാപനങ്ങള്‍ക്ക് നാളെ അവധി... നെടുമ്പാശേരി വിമാനത്താവളത്തില്‍ നിന്ന് ശനിയാഴ്ച വരെ സര്‍‌വീസുകള്‍ ഉണ്ടാവില്ല... ഭാരതപ്പുഴ കര കവിഞ്ഞതോടെ പട്ടാമ്പി പാലത്തിലൂടെ ഗതാഗതം നിരോധിച്ചു... നെടുമ്പാശ്ശേരി വിമാനത്താവളത്തിൽ രണ്ട് മണി വരെ വിമാന സർവീസ് നിർത്തിവച്ചു... മുല്ലപ്പെരിയാര്‍ അണക്കെട്ട് തുറന്നു; 13 ഷട്ടറുകളിലൂടെ സ്പില്‍ വേ വഴി വെള്ളം പുറത്തേക്ക്... കവി ചെമ്മനം ചാക്കോ അന്തരിച്ചു... വ്യവസായ മന്ത്രിയായി ഇപി ജയരാജന്‍ സത്യപ്രതിജ്ഞ ചെയ്തു... ജലന്ധര്‍ ബിഷപ്പിനെ അറസ്റ്റ് ചെയ്യാതെ അന്വേഷണസംഘം മടങ്ങി... നിറപുത്തരി പൂജക്കായി ശബരിമല നട ഇന്ന് തുറക്കും; തീർത്ഥാടകർക്ക് വിലക്ക്... പാക്ക് നടിയും മോഡലുമായ രേഷ്മ കൊല്ലപ്പെട്ടു...

31 July, 2018 07:53:07 AM


ബോട്ടുകള്‍ വീണ്ടും കടലിലേക്ക്; കടലമ്മ കനിയുമെന്ന വിശ്വാസത്തില്‍ മത്സ്യതൊഴിലാളികള്‍

ബുധനാഴ്ച പുലര്‍ച്ചെ മുതല്‍ ഹാര്‍ബറുകള്‍ വീണ്ടും സജീവമാകും



കൊച്ചി: 52 ദിവസം നീണ്ടുനിന്ന ട്രോളിംഗ് നിരോധനത്തിനു ശേഷം മത്സ്യബന്ധന ബോട്ടുകള്‍ ഇന്ന് രാത്രിയില്‍ കടലില്‍ ഇറങ്ങും. ബുധനാഴ്ച പുലര്‍ച്ചെ മുതല്‍ ഹാര്‍ബറുകള്‍ വീണ്ടും സജീവമാകും. രണ്ടു മാസത്തോളം നീണ്ടു നിന്ന വറുതിക്ക് ശേഷം കടല്‍ കനിയുമെന്ന പ്രതീക്ഷയിലാണ് മത്സ്യതൊഴിലാളികള്‍.

രണ്ടുമാസത്തോളം നീണ്ടു നിന്ന വറുതിക്കാലത്തിന് ശേഷം പ്രതീക്ഷകളോടെയാണ് ഓരോ ബോട്ടും ഇന്ന് രാത്രിയോടെ കടലിലേക്ക് ഇറങ്ങുക. വലകളും ബോട്ടുകളും കേടുപാടുകള്‍ തീര്‍ത്ത് മത്സ്യബന്ധനത്തിന് സജ്ജമായിക്കഴിഞ്ഞു. കടലമ്മ കനിയുമെന്ന വിശ്വാസത്തിലും കാലാവസ്ഥ അനുകൂലമാകണമെന്ന പ്രാര്‍ത്ഥനയിലുമാണ് എല്ലാവര്‍ക്കും. മഴ കനിഞ്ഞതിനാല്‍ ഇത്തവണ ചാകര പ്രതീക്ഷയിലാണ് മത്സ്യതൊഴിലാളികള്‍. കരിക്കാടി, കണവ, കിളിമീന്‍ എന്നിവ സുലഭമായി ലഭിക്കാനുള്ള സാധ്യതയാണ് മത്സ്യതൊഴിലാളികള്‍ പങ്ക് വെക്കുന്നത്.

ബോട്ടുകളിലേറെയും ഇതരസംസ്ഥാന തൊഴിലാളികളാണ്. ഇന്നലെ ഉച്ചയോടെ ഇവര്‍ നാട്ടില്‍ നിന്ന് മടങ്ങിയെത്തി തുടങ്ങി. മൂവായിരത്തില്‍ അധികം ബോട്ടുകളാണ് സംസ്ഥാനത്തിന്റെ വിവിധ ഭാഗത്തുനിന്ന് മത്സ്യബന്ധനത്തിന് പോകുന്നത്. മുൻ വർഷങ്ങളിൽനിന്ന് വ്യത്യസ്തമായി 52 ദിവസമായിരുന്നു ഇത്തവണ ട്രോളിങ് നിരോധനം.



Share this News Now:
  • Google+
Like(s): 40