06 July, 2018 08:41:36 AM


കൊല്ലം-തിരുവനന്തപുരം പാസഞ്ചര്‍ ട്രെയിനിന്‍റെ എന്‍ജിന്‍ പാളം തെറ്റി

മലബാര്‍ എക്‌സ്പ്രസ് കൊല്ലം മുതല്‍ തിരുവനന്തപുരം വരെ എല്ലായിടത്തും നിര്‍ത്തുന്നു


കൊല്ലം: കൊല്ലത്ത് നിന്ന് തിരുവനന്തപുരത്തേക്കുള്ള പാസഞ്ചര്‍ ട്രെയിനിന്‍റെ എന്‍ജിന്‍ പാളം തെറ്റി. ആളപായമില്ല. രാവിലെ 6.55ന് പുറപ്പെടേണ്ടിയിരുന്ന ട്രെയിനാണ് മൂന്നാമത്തെ ഫ്‌ളാറ്റ്‌ഫോമില്‍ വച്ച്‌ പാളം തെറ്റിയത്. ഇതേതുടര്‍ന്ന് ട്രെയിന്‍ റദ്ദാക്കി. അപകടത്തെ തുടര്‍ന്ന് പാസഞ്ചറിന് പിന്നാലെ സര്‍വീസ് നടത്തുന്ന മലബാര്‍ എക്‌സ്പ്രസിന് കൊല്ലം മുതല്‍ തിരുവനന്തപുരം വരെ എല്ലായിടത്തും സ്റ്റോപ്പ് അനുവദിച്ചു. കൊല്ലം-തിരുവനന്തപുരം പാസഞ്ചറില്‍ ടിക്കറ്റ് എടുത്ത യാത്രകാര്‍ക്ക് മലബാറില്‍ യാത്ര ചെയ്യാമെന്ന് റെയില്‍വേ അറിയിച്ചു.



Share this News Now:
  • Google+
Like(s): 135