01 July, 2018 08:49:45 PM


തിരുവഞ്ചൂരില്‍ വാനിടിച്ച് ബൈക്ക് യാത്രികനായ യുവാവ് മരിച്ചു

തിരുവഞ്ചൂര്‍ നരിമറ്റം കാക്കനാട് പ്രവീണ്‍ സോമന്‍ ആണ് മരിച്ചത്




കോട്ടയം: തിരുവഞ്ചൂര്‍ നാലുമണിക്കാറ്റില്‍ വാന്‍ ഇടിച്ച് ബൈക്ക് യാത്രികനായ യുവാവ് മരിച്ചു. തിരുവഞ്ചൂര്‍ നരിമറ്റം അമ്പലത്തിന് സമീപം കാക്കനാട് സോമന്‍ - രമണി ദമ്പതികളുടെ മകന്‍ പ്രവീണ്‍ സോമന്‍ (22) ആണ് മരിച്ചത്. തിരുവഞ്ചൂര്‍ - മണര്‍കാട് റോഡില്‍ ഞായറാഴ്ച രാവിലെ 9.30 മണിയോടെ നാലുമണികാറ്റിന് സമീപമുള്ള കുരിശുപള്ളിയ്ക്കു മുന്നിലായിരുന്നു അപകടം. മണര്‍കാട് ഭാഗത്തേക്ക് പോകുകയായിരുന്ന മാരുതി ഓമ്നി വാന്‍ എതിര്‍ദിശയില്‍ നിന്നും വന്ന ബൈക്കില്‍ ഇടിക്കുകയായിരുന്നു. ബൈക്കില്‍ നിന്നും തെറിച്ച് വീണ് ഗുരുതരമായി പരിക്കേറ്റ പ്രവീണിനെ കോട്ടയം മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സഹോദരി സൂര്യ (സൗദി). സംസ്കാരം ഇന്ന് മൂന്ന് മണിക്ക് വീട്ടുവളപ്പില്‍.



Share this News Now:
  • Google+
Like(s): 175