26 June, 2018 09:24:33 PM


ബൈക്ക് യാത്രികന്‍ അതിരമ്പുഴയില്‍ ടിപ്പര്‍ ലോറിക്കടിയില്‍പെട്ട് മരിച്ചു

ഫോര്‍ട്ട്‌കൊച്ചി നെല്ലികടവ് കൊല്ലാനശേരില്‍ ജസ്റ്റിന്‍ ആണ് മരിച്ചത്


ഏറ്റുമാനൂര്‍: റയില്‍വേ കരാര്‍കാരന്‍റെ സൂപ്പര്‍വൈസര്‍ ടിപ്പര്‍ ലോറിക്കടിയില്‍ പെട്ട് മരിച്ചു. ഫോര്‍ട്ട്‌കൊച്ചി നെല്ലികടവ് കൊല്ലാനശേരില്‍ ജേക്കബിന്‍റെ മകന്‍ ജസ്റ്റിന്‍ കെ.ജേക്കബ് (46) ആണ് മരിച്ചത്. ചൊവ്വാഴ്ച പകല്‍ പന്ത്രണ്ട് മണിയോടെ അതിരമ്പുഴ ഗവ. ആശുപത്രിക്ക് മുന്നിലായിരുന്നു അപകടം. 

ഏറ്റുമാനൂര്‍ റയില്‍വേ ട്രാക്കിന്റെ നവീകരണജോലികള്‍ക്കിടെ കരാര്‍കാരന്റെ അമ്പലപ്പുഴയിലെ നിര്‍മ്മാണ സ്ഥലത്തേക്ക് സാധനങ്ങല്‍ കയറ്റികൊണ്ടുപോയ ലോറിക്കടിയില്‍പെട്ടാണ് അപകടമുണ്ടായത്. പിന്നാലെ ബൈക്കില്‍ പോയ ജസ്റ്റിന്‍ ലോറിയെ മറികടക്കുന്നതിനിടയില്‍ ഗട്ടറില്‍ വീണ് ലോറിക്കടിയിലേക്ക് തെറിച്ച് വീഴുകയായിരുന്നു.

ലോറിയുടെ പിന്‍ചക്രങ്ങള്‍ ശരീരത്തുകൂടി കയറി ഗുരുതരമായി പരിക്കേറ്റ ജസ്റ്റിനെ കോട്ടയം മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും മൂന്ന് മണിയോടെ മരണമടഞ്ഞു. ഏറ്റുമാനൂര്‍ പോലീസ് മേല്‍നടപടികല്‍  സ്വീകരിച്ച് മൃതദേഹം കോട്ടയം മെഡിക്കല്‍ കോളേജ് മോര്‍ച്ചറിയില്‍ സൂക്ഷിച്ചിരിക്കുന്നു. ഷീബയാണ് ഭാര്യ. രണ്ട് മക്കളുണ്ട്.  




Share this News Now:
  • Google+
Like(s): 127